Гэнры Тэафілус Гаванец

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гэнры Тэафілус Гаванец, O.F.M.
Тытулярны біскуп Аколы
2000 — 2003
Папярэднік: Грэгары Майкл Эйманд
Наступнік: Нэстор Сэлестыял Карыньнё
Біскуп Алматынскае дыяцэзіі
2003 — цяперашні час
Асабістыя зьвесткі
Нарадзіўся: Сьцяг ЗША 14 лютага 1931
Чыкага, ЗША
Памёр: 30 сакавіка 2018(2018-03-30)[1] (87 гадоў)
Мілўокі, Вісконсін, ЗША

Гэнры Тэафілус Гаванец OFM (па-ангельску: Henry Theophilus Howaniec; нарадзіўся 14 лютага 1931, Чыкага, ЗША) — каталіцкі дзеяч ЗША й Казахстану, біскуп, францішканін.

Біяграфія[рэдагаваць | рэдагаваць крыніцу]

Зь сям’і польскіх імігрантаў. 12 гадоў наведваў каталіцкую пачатковую, а затым сярэднюю школу. У 1948 уступіў у ордэн Закон Меншых Братоў у польскай Правінцыі Ўнебаўзяцьці Найсьвяцейшай Панны Марыі ў Пуласкі (штат Вісконсын), вечныя шлюбы склаў 15 жніўня 1952. Скончыўшы гуманітарнае і багаслоўскае навучаньне ў школах Правінцыі, быў высьвечаны на сьвятара 14 чэрвеня 1956 у Сэмінарыі Хрыста Валадара, у Вэст Чыкага.

На працягу пяці гадоў, па суботах і нядзелях, служыў у розных парафіях штату Вісконсын, а таксама ў некаторых польскіх парафіях у Чыкага. Пасьля двух гадоў знаходжаньня ў «Доме Малітвы» у Вісконсыне, працаваў шэсьць гадоў у шпіталі сьвятога Вінцэнта ў Грын Бэй (Вісконсын). У той жа час быў таксама рэдактарам «Правінцыйнай Хронікі» і дапамагаў пісаць гісторыю сваёй Правінцыі з нагоды стагодзьдзя яе стварэньня ў 1987. У 1968-1992 працаваў у Генэральным доме ордэна францішканаў у Рыме, спачатку ў Бюро Пратаколаў (цэнтральны архіў), а затым у Бюро перакладнікаў. Валодае ангельскай, італійскай, польскай, расейскай мовамі, таксама чытае на лацінскай, францускай і гішпанскай мовах.

4 лістапада 1993 пачаў сваю працу ў Алматы (Казахстан) пры Парафіі Найсьвяцейшай Троіцы як вікарый, а ад 25 чэрвеня 1995 да верасьня 1996 пробашч. У чэрвені 1995 карагандзінскі біскуп Ян Павал Ленга прызначыў яго першым галоўным рэдактарам каталіцкай газэты ў Казахстане — «КРЭДА». 15 ліпеня 1996 стаў плябанам кляштару Братоў Францішканаў у Алматы. 7 ліпеня 1999 папа Ян Павал II прызначыў яго Адміністратарам навастворанае Алматынскае Апостальскае Адміністратуры. 26 лістапада 2000 Арцыбіскуп Марыян Олесь, Апостальскі Нунцый у Казахстане, кансакраваў яго ў тытулярнага біскупа Аколы ў Катэдральным Саборы Найсьвяцейшай Троіцы ў Алматы. Ад 17 траўня 2003, калі Апостальская Адміністратура Алма-Аты была ўзьведзеная ў ранг паўнавартаснай дыяцэзіі й атрымала назоў дыяцэзіі Найсьвяцейшай Троіцы, займае яе катэдру.

Папярэднік
Грэгары Майкл Эйманд
Тытулярны біскуп Аколы
1999—2003
Наступнік
Нэстор Сэлестыял Карыньнё
Папярэднік
няма
Біскуп Алматынскі
2003—сёньня
Наступнік
няма

Вонкавыя спасылкі[рэдагаваць | рэдагаваць крыніцу]

  1. ^ а б http://www.catholic-hierarchy.org/bishop/bhowaniec.html