Грунвальдзкае поле

Грунвальдзкае поле – абшар на адлегласьці 2 км на паўднёвы ўсход ад вёскі Грунвальд, паміж Стэнбаркам, Ладвіговам і Ульновам (Польшча), дзе адбылася Грунвальдзкая бітва.

Гісторыя

15 ліпеня 1410 року аб’яднаныя войскі Польскага каралеўства і Вялікага Княства Літоўскага атрымалі перамогу над крыжацкім войскам на чале з магістрам Тэўтонскага ордэну Ульрыхам фон Юнгінгенам. Грунвальдзкая бітва сталася адной з найвялікшых бітваў сярэднявечча і ў канчатковым выніку прывяла да заняпаду Ордэну.

Помнік Грунвальдзкай перамогі

Да 550-й гадавіны бітвы на Грунвальдзкім полі быў усталяваны помнік, які складаецца з трох частак:

гранітавага абэліску,
адзінаццаці 30-мэтровых мачтаў, што сымбалізуюць штандары польскіх і літоўска-рускіх харугваў,
амфітэатру з памяшканьнямі музэю Грунвальдзкай бітвы, кіназалі і выкладзенай з каляровых каменьняў мапы, на якой паказаная расстаноўка войскаў перад бітвай.

Таксама на полі бітвы знаходзяцца:

руіны капліцы,
Курган Ягайлы,
рэшткі кракаўскага помніку ў гонар бітвы, разбуранага гітлераўцамі ў 1939 року

Сьвяткаваньне

Шторок у ліпені трываюць дні Грунвальду, арганізоўваныя гмінай Грунвальд, «Зьвязам польскага харцарства», узброенымі сіламі і рыцарскімі клюбамі. У выкананьні рыцарскіх брацтваў з Польшчы і іншых краінаў ля помніку Грунвальдзкай перамогі ладзіцца рэканструкцыя бойкі.

Грунвальдзкае поле, 15 ліпеня 2006 року
Рэканструкцыя бітвы, 15 ліпеня 2006 року
Мачты, што сымбалізуюць штандары харугваў

Глядзіце таксама

Вонкавыя спасылкі

Грунвальдзкае поле — сховішча мультымэдыйных матэрыялаў

Rafał M. Socha: Słownik Grunwaldzki. [w:] Barbara Bogdańska-Pawłowska (red.): Poradnik Drużynowego Drużyny Grunwaldzkiej, Komenda Chorągwi Warmińsko-Mazurskiej ZHP im. "Grunwaldu" w Olsztynie, Olsztyn 1996, s. 58-93
Wikimapia — Музэй Грунвальдзкай бітвы