Глеб Юр’евіч
| Глеб (Міхал) Юр’евіч Глеб | |
| Князь тураўскі | |
|---|---|
|
1190 — 1195 | |
| Папярэднік | Сьвятаполк ІІІ Юр’евіч |
| Наступнік | Андрэй ІІ Іванавіч |
| Князь дубровіцкі | |
|
1167 — 1195 | |
| Папярэднік | Юры І Яраславіч |
| Наступнік | Аляксандар Глебавіч |
| Асабістыя зьвесткі | |
| Нарадзіўся | к. 1155 |
| Памёр | 17 сакавіка 1195, Тураў |
| Нашчадкі | |
| Дынастыя | Ізяславічы |
| Жонка | дачка кіеўскага князя Расьціслава Мсьціславіча |
| Бацька | Юры І Яраславіч |
| Маці | Ганна, дачка гарадзенскага князя Усеваладка |
Глеб Ю́р’евіч, Глеб (Міхал) (к. 1155 — 17 сакавіка 1195, Тураў) — князь тураўскі (1170—1190). Трэці сын Юрыя Яраславіча, праўнук Сьвятаполка Ізяславіча.
Княжаньне ў Дуброўскім княстве
[рэдагаваць | рэдагаваць код]Як трэці сын Юрыя Яраславіча, пасьля яго сьмерці атрымаў ва ўдзел Дубровіцкае княства, стаўшы родапачынальнікам дубровіцкай галіны Ізяславічаў. У 1168 годзе на заклік кіеўскага князя Расьціслава Мсьціславіча Глеб прыбыў у Кіеў і разам з старэйшымі братамі Іванам Юр’евічам і Сьвятаполкам Юр’евічам удзельнічаў у вялікім паходзе вялікага князя Мсьціслава Ізяславіча на полаўцаў. Як дубровіцкі князь, падтрымліваў адзінства са сваімі братамі, меў цесныя стасункі з Кіеўскім княствам. Так 2 сакавіка 1183 году разам з братам Яраславам Юр’евічам і стрыечным братам гарадзенскім князем Мсьціславам Усеваладкавічам удзельнічаў у вялікім пераможным паходзе за Дняпро на полаўцаў, дзе аб’яднаныя дружыны Глеба, Яраслава, Мсьціслава й рускіх князёў разьбілі войскі хана Канчака й узялі вялікі палон. У 1187 годзе, як асабліва давераная асоба Глеб Юр’евіч быў пасланы кіеўскім князем Рурыкам Расьціславічам у Суздаль да ўладзімерскага князя Усевалада Юр’евіча па яго дачку Верхуславу, якую хацеў узяць у жонкі свайму сыну Расьціславу. У 1189 годзе Глеб ажаніўся з дачкой кіеўскага князя Расьціслава Мсьціславіча, ад якой меў сына Аляксандра.
Княжаньне ў Тураўскім княстве
[рэдагаваць | рэдагаваць код]19 красавіка 1190 году пасьля сьмерці Сьвятаполка Юр’евіча стаў тураўскім князем. У 1195 годзе памёр у Тураве, быў пахаваны ў Кіеве ў Міхайлаўскім Залатаверхім саборы.
Нашчадкі
[рэдагаваць | рэдагаваць код]- Аляксандар — дубровіцкі князь
- Расьціслаў — сьцяпаньскі князь
| Папярэднік Юры І Яраславіч |
Князь дубровіцкі 1167—1195 |
Наступнік Аляксандар Глебавіч |
| Папярэднік Сьвятаполк ІІІ Юр’евіч |
Князь тураўскі 1190—1195 |
Наступнік Андрэй ІІ Іванавіч |