Гэнры Форд

Зьвесткі зь Вікіпэдыі — вольнай энцыкляпэдыі
(Перанакіравана з «Генры Форд»)
Перайсьці да навігацыі Перайсьці да пошуку
Гэнры Форд
Henry Ford
Henry ford 1919.jpg
Гэнры Форд у 1919 годзе
Род дзейнасьці аўтамабільная прамысловасьць
Дата нараджэньня 30 ліпеня 1863
Месца нараджэньня Грынфілд, Мічыган, ЗША
Дата сьмерці 7 красавіка 1947 (83 гады)
Месца сьмерці Дэтройт, ЗША
Прычына сьмерці cerebral hemorrhage[d]
Занятак прадпрымальнік, інжынэр, вынаходнік, пісьменьнік, палітык, аўтагоншчык, журналіст, industrialist і прамысловы магнат
Бацька Ўільям Форд
Дзеці Эдсел Форд
Узнагароды
Подпіс Henry Ford Signature.svg

Гэнры Форд (30 ліпеня 1863 году ў Грынфілдзе, Мічыган, ЗША — 7 красавіка 1947 году ў Дэтройце, ЗША) — амэрыканскі прамысловец, які заснаваў у 1906 годзе аўтамабільную кампанію Ford Motor Company у горадзе Дэтройце.

Біяграфія[рэдагаваць | рэдагаваць крыніцу]

Гэнры нарадзіўся ў сям’і ірляндзкага эмігранта, фэрмэра. У дзяцінстве, захапіўшыся тэхнікай, працаваў у розных мэханічных майстэрнях. У 1888—1899 гадах выконваў абавязкі інжэнэра-мэханіка, а потым і галоўнага інжынэра ў «Электрычнай кампаніі Эдысана» (Edison Illuminating Company). У 1896 годзе змайстраваў свой першы прататып уласнага аўтамабіля. У 1899 годзе стаў адным з заснавальнікаў фірмы «Detroit Automobile Company», якая потым зьмяніла назву на «Cadillac Motor Company». У 1906 годзе, Гэнры Форд разышоўся ў меркаваньнях зь іншымі заснавальнікамі па пытаньні далейшага разьвіцьця кампаніі, у выніку чаго ён прадаў сваю долю і заснаваў кампанію Ford Motor. Гэнры Форд быў прыхільнікам вытворчасьці вялікай колькасьці танных аўтамабіляў.

Форд распачаў сваю прамысловую дзейнасьць у пэрыяд хуткага разьвіцьця матарызацыі, у гэты час на амэрыканскім рынку дзейнічала ўжо шмат буйных кампаніяў. Гэнры Форд зьдзейсьніў рэвалюцыю ў вытворчасьці аўтамабіляў, увёўшы у вытворчы працэс канвэер і трохзьменны працоўны дзень. Ён змог хутка перамагчы ў канкурэнтнай барацьбе вывеўшы на рынак у 1907 годзе аўтамабіль «Мадэль Т», арганізаваўшы вытворчасьць прадукцыі адной мадэлі толькі чорнага колеру. Дзякуючы гэтаму, кошт «Мадэлі Т» быў значна ніжэйшы чым у канкурэнтаў, што зрабіла яго даступным да сярэдняга амэрыканца. Да заканчэньня вытворчасьці ў 1927 годзе было зроблена болей за 15 млн аўтамабіляў «Мадэлі Т».

Першапачаткова Гэнры Форд выпрабоўваў кожны аўтамабіль (пацьвярджаючы гэта ўласным подпісам). Недахоп тэхнічнай адукацыі Гэнры Форд змог кампэнсаваць практычнымі ведамі і інтуіцыяй, з-за чаго ён часта ўмешваўся ў працу сваіх канструктараў, ці непасрэдна кіраваў іх распрацоўкамі.

Даступнасьць аўтамабіляў Форда выклікала зьмену грамадзкага жыцьця ў ЗША, зрабіўшы магчымым хуткі рост такіх гарадоў як Нью-Ёрк ці Дэтройт, а таксама засяленьне аддаленых раёнаў, такіх як Флёрыда (якая была спустошана ўраганам 1926 году). Форд, так сама паўплываў на эканамічны ўклад ЗША (увёўшы крэдыты на аўтамабілі).

Перакананьні[рэдагаваць | рэдагаваць крыніцу]

Гэнры Форд траціў частку сваіх прыбыткаў на антысэміцкую прапаганду сярод новых працоўных. Для гэтага заснаваў «Dearborn Publishing Company», якая выдавала газэту «The Dearborn Independent». У газэце друкаваліся антысэміцкія артыкулы, якія потым перадрукоўваліся ў іншых выданьнях. На гэтыя артыкулы потым зьвярнуў увагу Адольф Гітлер. Пасьля прыходу да ўлады Гітлера, яны сталі сябрамі.

Разам з антысэмітызмам Форд прапагандаваў пацыфізм.

Гэнры Форд памёр 7 красавіка 1947 году ва ўзросьце 83 гадоў.

Вонкавыя спасылкі[рэдагаваць | рэдагаваць крыніцу]

Commons-logo.svg Гэнры Фордсховішча мультымэдыйных матэрыялаў