Яўген Тумас
| Яўген Тумас | |
| Асабістыя зьвесткі | |
|---|---|
| Нарадзіўся | 28 ліпеня 1940 (84 гады) |
| Сужэнец | Нацыянальная дзяржаўная тэлерадыёкампанія Рэспублікі Беларусь |
| Літаратурная дзейнасьць | |
| Род дзейнасьці | перакладнік, пісьменьнік, паэт |
Яўген Зьмітравіч Тумас (псэўд. Генадзь Тумаш, Генадзь Тумас; 28 ліпеня 1940, в. Кукшавічы, Койданаўскі раён, Менская вобласьць, БССР) — пісьменьнік. Чалец Саюзу пісьменьнікаў Беларусі з 1991 году.
Біяграфія
[рэдагаваць | рэдагаваць крыніцу]Нарадзіўся ў сялянскай сям’і. Пасьля заканчэньня Станькаўскай сярэдняй школы працаваў у калгасе (1957—1959). Вучыўся на аддзяленьні беларускай мовы і літаратуры філялягічнага факультэту БДУ (1959—1964). Працаваў у Татаршчынскай сярэдняй школе Койданаўскага раёну (1964—1966), малодшым навуковым супрацоўнікам у Інстытуце мовазнаўства імя Якуба Коласа АН БССР (1974—1976), рэдактарам на Беларускім тэлебачаньні (1970—1973), малодшым навуковым супрацоўнікам (1974—1976), загадчыкам сэктара Літаратурнага музэю Якуба Коласа (1976—1987), з 1987 году намесьнік дырэктара Бюро прапаганды мастацкай літаратуры Саюзу пісьменьнікаў Беларусі. Сябра Рэспубліканскай Рады ТБМ імя Ф. Скарыны. Уваходзіў у Аргкамітэт БНФ. У 1994—2002 гг. у Беларускім унівэрсытэце культуры. Друкуецца з 1957. На беларускую мову пераклаў творы В. Каратынскага, Я. Лучыны, У. Мэя.
Творы
[рэдагаваць | рэдагаваць крыніцу]- Лінкос. (Першая кніга паэта). Мінск. 1970.
- Родны бераг песняра. Да 100-годдзя з дня нараджэння народнага паэта Беларусі Якуба Коласа. Мінск. 1982.
- Лісіца з Расохі. Мінск. 2001.
Літаратура
[рэдагаваць | рэдагаваць крыніцу]- Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.