Віялета Бардзілоўская
| Віялета Бардзілоўская | |
 | |
| Пэрсанальная інфармацыя | |
|---|---|
| Нарадзілася | 2005 |
| Грамадзянства | |
| Прафэсійная інфармацыя | |
| Спэцыялізацыя | скакун на батуце |
Узнагароды і мэдалі  | |
Віялета Бардзілоўская (нар. 7 чэрвеня 2005 году, Магілёў, Беларусь) — беларуская гімнастка ў скачках на батуце. Брала ўдзел у летніх Алімпійскіх гульнях 2024 году ў якасьці індывідуальнай нэўтральнай атлеткі і здабыла срэбраны мэдаль. Чэмпіёнка Эўропы сярод юніёраў 2021 году ў сынхронных скачках на батуце.
Біяграфія
[рэдагаваць | рэдагаваць крыніцу]Нарадзілася 7 чэрвеня 2005 году ў Магілёве. Пачала займацца гімнастыкай на батуце, калі ёй было чатыры гады[1].
Заняла 19-е месца ў асабістым заліку на сусьветных спаборніцтвах ва ўзроставай групе 2017 году ў катэгорыі 11—12 гадоў[2]. Яна выступала на юніёрскім чэмпіянаце Эўропы 2021 году і здабыла там залаты мэдаль у сынхронных спаборніцтвах з партнэркай Марыяй Сяргеевай[3]. Акрамя таго, зборная Беларусі па скачках на батуце заваявала срэбраны мэдаль, саступіўшы Расеі[4]. Затым на чэмпіянаце сьвету 2021 году ва ўзроставых групах Бардзілоўская і Сяргеева заваявалі срэбраны мэдаль у сынхронным заліку. У асабістым заліку Бардзілоўская заняла 49-е месца[5].
Спартоўка дэбютавала ў дарослым складзе ў лютым 2022 году на Кубку сьвету ў Баку і заняла сёмае месца ў фінале асабістага заліку[6]. У сакавіку 2022 году Міжнародная фэдэрацыя гімнастыкі (МФГ) дыскваліфікавала расейскіх і беларускіх спартоўцаў праз расейскае ўварваньне ва Ўкраіну[7]. Бардзілоўская па-ранейшаму выступала на хатніх турнірах, заваяваўшы тытул чэмпіёнкі Беларусі ў асабістым заліку ў 2022 годзе[8] У 2024 годзе МФГ зацьвердзіла сьпіс некаторых спартоўцаў як «нэўтральных» дзеля іхняга вяртаньня на міжнародныя спаборніцтвы[9]. Яна вярнулася да ўдзелу ў спаборніцтвах на чэмпіянаце сьвету ў Баку 2024 году і заняла дзясятае месца ў паўфінале, што зрабіла яе першай рэзэрвовай спартоўкай дзеля ўдзелу ў фінале[10]. Затым беларуска брала ўдзел на Кубку сьвету ў Котбусе і заняла 12-е месца[11].
Заваявала квоту на летнія Алімпійскія гульні 2024 году паводле вынікаў сэрыі Кубка сьвету 2024 году[12][13]. У чэрвені была зацьверджаная Міжнародным алімпійскім камітэтам дзеля ўдзелу ў спаборніцтвах у якасьці індывідуальнай нэўтральнай атлеткі[14]. На Алімпійскіх гульнях Бардзілоўская здабыла срэбраны мэдаль у індывідуальных спаборніцтвах па скачках на батуце, саступіўшы брытанцы Браяні Пэйдж[15].
Крыніцы
[рэдагаваць | рэдагаваць крыніцу]- ^ Bardzilouskaya Viyaleta. International Olympic Committee.
- ^ 25th FIG Trampoline Gymnastics World Age Group Competitions 16-19 November, 2017, Sofia, Bulgaria, Arena Armeec Individual trampoline — 11-12 Girls — Qualification
- ^ Belgium, Belarus and Russia golden as #TraSochi2021 concludes
- ^ Russia’s girls and Belarus’ boys claim Trampoline junior team titles
- ^ 28th FIG Trampoline Gymnastics World Age Group Competitions Results Book
- ^ FIG Trampoline Gymnastics World Cup AGF Trophy Trampoline Gymnastics Final 1 TRA - Women's Individual
- ^ FIG adopts further measures against Russia and Belarus
- ^ Могилевчанка Виолетта Бордиловская стала чемпионкой страны по прыжкам на батуте
- ^ Gymnastics body gives neutral status to 30 Belarusians but path to Paris Olympics is still unclear
- ^ FIG Trampoline Gymnastics World Cup AGF Trophy Trampoline Gymnastics Qualification 2 TRA — Women’s Individual
- ^ FIG World Cup Cottbus 2024 Lausitz Arena, Cottbus (GER), Individual trampoline —Women —Qualification2
- ^ Newly-minted Olympic qualifiers in Trampoline Gymnastics: These nations are heading to Paris!
- ^ Belarusian trampolinists won two Olympic licences for Paris Games
- ^ Individual Neutral Athletes at the Olympic Games Paris 2024
- ^ Buhler (2 August 2024) Great Britain's Bryony Page completes Olympic medal set with gold in Paris