Віталь Гарановіч

Віталь Гарановіч
Асабістыя зьвесткі
Нарадзіўся	7 студзеня 1952(1952-01-07) Ермакі, Хоўхлаўскі сельсавет, Маладэчанскі раён, Маладэчанская вобласьць, БССР, СССР
Памёр	17 красавіка 2012(2012-04-17) (60 гадоў) Глыбокае, Віцебская вобласьць, Беларусь
Пахаваны	Рабунь
Літаратурная дзейнасьць
Род дзейнасьці	пісьменьнік
Узнагароды	прэмія Фэдэрацыі прафсаюзаў беларускай[d] (2009)
Віталь Гарановіч у Вікісховішчы

Віталь Гарановіч (7 студзеня 1952, в. Ермакі, Маладзечанскі раён — 17 красавіка 2012) — беларускі паэт, пэдагог.

Жыцьцяпіс

Вучыўся ў Ермакоўскай васьмігадовай школе (1959—1967) і Хоўхлаўскай СШ (скончыў у 1969) Маладзечанскага раёну.

Віталь Гарановіч (у першым радзе першы зьлева) — вучань Ермакоўскай школы.

Служыў у Савецкай Арміі ў Прыкарпацкай вайсковай акрузе (1970—1972). Пасьля пэўны час працаваў у выдавецтве «Вышэйшая школа», потым на паліграфічнай фабрыцы «Чырвоная зорка» ў Менску. Скончыў філялягічны факультэт Менскага дзяржаўнага пэагагічнага інстытуту імя М.Горкага (1977). Пасьля працаваў настаўнікам беларускай мовы і літаратуры Задароскай васьмігадовай школы, у 1979--1983 гадах дырэктарам Кіраўскай сярэдняй школы Глыбоцкага раёну. У 1983-2004 — дырэктар СШ №3 у Глыбокім. З 2004 году старшыня Глыбоцкага райкаму прафсаюзу работнікаў адукацыі і навукі. Сябра Таварыства беларускай мовы і Таварыства беларускай школы.

Творчасьць

У школьны час яго вершы публікаваліся ў часопісе «Бярозка», раённай газэце «Святло камунізму». У гады службы ў арміі супрацоўнічаў з рэдакцыяй газэты «Слава Родины» Прыкарпацкай вайсковай акругі. Студэнтам друкаваўся ў інстытуцкай газэце «Савецкі настаўнік». У 1978 годзе выйшла падборка вершаў у часопісе «Маладосць», а таксама публікацыя вершаў у штотыднёвіку «Літаратура і мастацтва». Потым рэгулярна друкаваўся ў раённым, абласным і рэспубліканскім друку.

Удзельнік літаратурных сэмінараў у Каралішчавічах. У 1997 годзе ў выдавецтве «Мастацкая літаратура» выйшаў першы зборнік вершаў «Беразвечча», які быў адзначаны складальнікамі анталёгіі беларускай паэзіі ХХ стагодзядзя «Краса і сіла» як «…хоць запозьненая, але яркая кніга». Наступныя лірычныя зборнікі -- «Святло блакіту» (2002), «Саракі» (2007), «Нараджэнне вады» (2011) выйшлі ў выдавецтве «Беларускі кнігазбор». У 2003 годзе ў "Беларускі кнігазборы" выйшаў зборнік песень «Глыбоцкі вальс» (у сааўтарстве з самадзейным кампазытарам Г. Шаколам).

Ляўрэат літаратурнай прэміі Фэдэрацыі прафсаюзаў Беларусі (2009) за кнігу вершаў «Саракі».

Бібліяграфія

Зборнікі вершаў

• Беразвечча (1997, «Мастацкая літаратура»)
• Святло блакіту (2002, «Беларускі кнігазбор»)
• Саракі (2007, «Беларускі кнігазбор»)
• Нараджэнне вады (2011, «Беларускі кнігазбор»)

Зборнікі песень

• Глыбоцкі вальс (2003, «Беларускі кнігазбор»)

Зборнікі твораў

• Пагавары са мной (2015, «Беларускі кнігазбор»)

Спасылкі

• Гарановіч Віталь Рыгоравіч на сайце «Прыдзвінскі край»
• У ГЛЫБОЦКАЙ СШ № 3 АДКРЫЛІ МэМАРЫЯЛЬНУЮ ДОШКУ Ў ГОНАР ПАЭТА І ПэДАГОГА З МАЛАДЗЕЧАНШЧЫНЫ ВІТАЛЯ ГАРАНОВІЧА (ФОТА, ВІДЭА)