Віня-Пых (кніга)

«Віня-Пых»
Winnie-the-Pooh
Жанр:	Дзіцячы раман
Аўтар:	Алан Мілн
Мова арыгіналу:	Ангельская
Публікацыя:	14 кастрычніка 1926 (100 гадоў таму)
Выдавецтва:	Мэтуэн (Лёндан, Ангельшчына)
Колькасьць старонак:	128
Ілюстратар:	Эрнэст Шэпард
Пераклад на беларускую:	2007
Перакладчык:	Віталь Воранаў
Носьбіт:	Кніга
Наступны твор:	«Хатка ў Пыхавым закутку»
ISBN:	978-985-5487-12-X
Электронная вэрсія

«Віня-Пых» — першая кніга прыгодаў пра Віня-Пыха, аўтарства А. А. Мілна, напісаная ў 1926 годзе. Працяг прыгодаў у кніжцы «Хатка ў Пыхавым Закутку».

Некаторыя часткі кнігі былі папярэдне друкаваныя ў форме апавяданьняў. Першая частка, напрыклад, была адаптаваная з апавяданьня «Падазроныя Пчолы», апублікаванага ў London Evening News, у час Божага Нараджэньня 1925 году.

Кніга была перакладзеная ў больш чым 30 моваў, у тым ліку і на беларускую, а таксама лацінскую і мову эспэранта.

На беларускую мову кніжка была перакладзеная ў 2003 годзе, але з прычыны доўгай працэдуры набываньня аўтарскіх правоў на выданьне, у форме кніжкі выйшла толькі ў 2007 годзе накладам у 2000 асобнікаў у выдавецтве «Белы Крумкач» (Познань, Польшча). Пераклад на беларускую — Віталь Воранаў.

Аўдыёкніга з беларускім перакладам выйшла ў 2022 годзе, у выдавецтве Кніжны Воз. Ролі агучылі Андрэй Дробыш (Трус), Алег Гарбуз (Віня-Пых, Сава), Крысціна Дробыш (Крыштусь Родзька, Кенга, Малеча Ру), Андрэй Мілюхін (апавядальнік, Парсючок, Іа).

У 2026 годзе ў Беластоку адбылася прэм'ера дзіцячага спектакля Прыгоды Віня-Пыха і яго сяброў, пастаўленага рэжысёрам Бернардам Мацеем Баням. Спектакль быў падрыхтаваны дзецьмі і стаў адной з першых сцэнічных інтэрпрэтацый беларускага перакладу твора.

Зьмест

Віня-Пых

1. ЧАСТКА ПЕРШАЯ, у якой мы знаёмімся зь Віня-Пыхам і грамадкай Пчолаў, і тут акурат пачынаюцца ўсе прыгоды
2. ЧАСТКА ДРУГАЯ, у якой Пых ідзе ў госьці і захрасае ў дзірцы
3. ЧАСТКА ТРЭЦЯЯ, у якой Пых і Парсючок пайшлі на паляваньне і ледзь не злавілі Лыску
4. ЧАСТКА ЧАЦЬВЁРТАЯ, у якой Восьлік Іа губляе хвост, а Пых ягоны хвост знаходзіць
5. ЧАСТКА ПЯТАЯ, у якой Парсючок сустракае Мамантука
6. ЧАСТКА ШОСТАЯ, у якой Іа сьвяткуе свой Дзень Народзінаў і атрымлівае два падарункі
7. ЧАСТКА СЁМАЯ, у якой Кенга і Малеча Ру зьяўляюцца ў Лесе, а Парсючку даюць лазьню
8. ЧАСТКА ВОСЬМАЯ, у якой Крыштусь Родзька вядзе палярную Ікспыдыцыю на Паўночнае Канцавосьсе
9. ЧАСТКА ДЗЕВЯТАЯ, у якой Парсючок цалкам акружаны вадою
10. ЧАСТКА ДЗЕСЯТАЯ, у якой Крыштусь Родзька ладзіць імпрэзу ў гонар Пыха, а пасьля мы ўсе разьвітваемся

Хатка ў Пыхавым закутку

1. ЧАСТКА ПЕРШАЯ, у якой у Пыхавым закутку будуюць хатку для Іа
2. ЧАСТКА ДРУГАЯ, у якой у лес прыбывае Тыгрык і снедае
3. ЧАСТКА ТРЭЦЯЯ, у якой ладзяцца пошукі, а Парсючок ізноў ледзь не сустракае Мамантука
4. ЧАСТКА ЧАЦЬВЁРТАЯ, у якой выяўляецца, што Тыгрыкі ня надта лазяць па дрэвах
5. ЧАСТКА ПЯТАЯ, у якой Трус мае вельмі заняты дзень, і мы даведваемся, чым звычайна займаецца Крыштусь Родзька «па раніцах»
6. ЧАСТКА ШОСТАЯ, у якой Пых вынаходзіць новую гульню, а Іа далучаецца
7. ЧАСТКА СЁМАЯ, у якой Тыгрыка адскокваюць
8. ЧАСТКА ВОСЬМАЯ, у якой Парсючок здзяйсняе нешта выдатнае
9. ЧАСТКА ДЗЕВЯТАЯ, у якой Вослік Іа знаходзіць Сядзібу, і Сава перасяляецца туды
10. ЧАСТКА ДЗЕСЯТАЯ, у якой Крыштусь Родзька і Пых трапляюць у зачараванае месца, і мы пакідаем іх там

Цытаты

Сьпярша ён падумаў: «Гэтае бзыканьне мусіць нешта азначаць. Так не бывае, каб нейкае бзыканьне гудзела і бзыкала проста так, зь ніадкуль. Калі я чую бзыканьне, значыць, хтосьці бзыкае, а дзеля таго, каб бзыкаць, наколькі я разумею, трэба быць пчалой».

Вонкавыя спасылкі

• Афіцыйны сайт кніжкі
• Мілн Алан. Віня-Пых // Сеціўная крама «Прастора»