Валянцін Стэфановіч

Валянцін Стэфановіч
	Валянцін Стэфановіч
Род дзейнасьці	Праваабаронца
Дата нараджэньня	14 кастрычніка 1972 (51 год)
Месца нараджэньня	Менск, Беларусь
Грамадзянства	Беларусь
Месца вучобы	Міжнародны ўнівэрсытэт МІПСС[d];
Занятак	праваабаронец, палітычны вязень
Месца працы	Вясна; Міжнародная арганізацыя за правы чалавека[d];
Узнагароды
	Валянцін Стэфановіч у Вікісховішчы

Вікіпэдыя мае артыкулы пра іншых асобаў з прозьвішчам Стэфановіч.

Валянцін Стэфановіч (нар. 14 кастрычніка 1972 г.) — беларускі праваабаронца і палітычны вязень, сябра Рады Праваабарончага цэнтру «Вясна», віцэ-прэзідэнт Міжнароднае фэдэрацыі за правы чалавека (FIDH).

Біяграфія[рэдагаваць | рэдагаваць крыніцу]

Нарадзіўся ў 1972 г. у Менску^[1].

У пачатку 90-х гг. удзельнічаў у акцыях Беларускага народнага фронту, у 1994 г. быў назіральнікам ад БНФ на першых прэзыдэнцкіх выбарах у Беларусі^[2].

Скончыў інстытут міжнародных працоўных адносінаў, спэцыяльнасьць — правазнаўства.

У 1996 г. стаў сузаснавальнікам «Маладога Фронту», у 1997 г. абраны сустаршынём арганізацыі, але неўзабаве пакінуў яе^[2].

Зь верасьня 1998 г. — у праваабарончай арганізацыі «Вясна»^[2]. Намесьнік старшыні з 2000 году^[1].

Арышт і ўвязьненьне[рэдагаваць | рэдагаваць крыніцу]

14 ліпеня 2021 г. арыштаваны карніцкімі органамі рэжыму Лукашэнкі ў сябе дома. Першапачаткова разам з іншымі кіраўнікамі «Вясны» Алесем Бяляцкім і Ўладзімерам Лабковічам абвінавачаны ў тым, што праваабаронцы «не зарэгістравалі арганізацыю, якой яны кіруюць, ва ўстаноўленым парадку ў якасці юрыдычнай асобы, а таксама ў якасці падаткаплацельшчыка, і не прадставілі адпаведныя звесткі ў падатковыя органы, чым схавалі ад падатковых органаў звесткі аб ажыццяўлёных выплатах, асобах, якія выплацілі ад імя арганізацыі працы (якія аказалі паслугі) і ўхіліліся ад прызнання арганізацыі падаткавым агентам»^[3]. Потым дадаткова разам зь імі абвінавачаны ў кантрабаньдзе і «фінансаваньні групавых дзеяньняў, якія груба парушаюць грамадзкі парадак».

3 сакавіка 2023 г. у судзе Ленінскага раёна судзьдзя Марына Запасьнік прызначыла Стэфановічу 9 гадоў зьняволеньня ў калёніі ва ўмовах узмоцненага рэжыму^[3].

Сям’я[рэдагаваць | рэдагаваць крыніцу]

Мае сына і дачку^[2].

Крыніцы[рэдагаваць | рэдагаваць крыніцу]

^ ^а ^б Валянцін Стэфановіч — Радыё Свабода, 3 лістапада 2011 г.
^ ^а ^б ^в ^г Правозащитник из опальной «Весны» [Праваабаронца з апальнай «Вясны»] (на расейскай мове) — Deutsche Welle
^ ^а ^б ВАЛЯНЦІН СТЭФАНОВІЧ — Праваабарончы цэнтар «Вясна», афіцыйны сайт

[svaboda-1] а ^б Валянцін Стэфановіч — Радыё Свабода, 3 лістапада 2011 г.

[dw-2] а ^б ^в ^г Правозащитник из опальной «Весны» [Праваабаронца з апальнай «Вясны»] (на расейскай мове) — Deutsche Welle

[viasna-3] а ^б ВАЛЯНЦІН СТЭФАНОВІЧ — Праваабарончы цэнтар «Вясна», афіцыйны сайт

[1]

[2]

[3]