Валянціна Лебедзева

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Валянціна Лебедзева
Дата нараджэньня 10 сакавіка 1955
Месца нараджэньня Гомель, БССР
Дата сьмерці 8 лютага 2022
Месца сьмерці Гомель, Беларусь
Грамадзянства Беларусь
Месца вучобы Гомельскі дзяржаўны ўнівэрсытэт (1980)
Занятак гісторык
Навуковая сфэра Гісторыя, краязнаўства
Месца працы Гомельскі дзяржаўны ўнівэрсытэт імя Францыска Скарыны
Вядомая як Дасьледніца творчасьці і жыцьця М. Доўнар-Запольскага і П. Бадуновай

Валянцíна Лéбедзева (10 сакавіка 1955, Гомель, БССР — 8 лютага 2022, Гомель, Беларусь) — беларуская гістарыца і краязнаўца.

Жыцьцяпіс[рэдагаваць | рэдагаваць крыніцу]

Нарадзілася ў Гомлі, скончыла ў 1980 г. гістарычнае адзьдзяленьне гісторыка-філялягічнага факультэту Гомельскага дзяржунівэрсітэту, потым - асьпірантуру пры Белдзяржунівэрсытэце.

З 1983 г. працуе ў Гомельскім дзяржаўным унівэрсытэце, зь іх - больш за 15 год на катэдры беларускай культуры. Сфэра навуковых інтарэсаў: культура Беларусі, беларускі нацыянальны рух, гісторыя Гомеля пачатку ХХ ст., жыцьцё і навуковая спадчына М.В. Доўнар-Запольскага, Палуты Бадуновай.

Старшая выкладніца катэдры беларускай культуры і фальклярыстыкі Гомельскага дзяржаўнага ўнівэрсытэту імя Ф. Скарыны.

Часам падпісвала свае працы прозьвішчам Мятліцкая[1].

Хварэла на анкалёгію. Памерла 8 лютага 2022 году[2].

Навуковая дзейнасьць[рэдагаваць | рэдагаваць крыніцу]

Аўтарка больш за 100 публікацыяў, сярод якіх - біяграфічнае дасьледаваньне пра П. Бадунову (Менск, Тэхналёгія, 2004 г.)[3].

Таксама вывучала жыцьцё і творчасьць гісторыка і фальклярыста М. Доўнар-Запольскага і архітэктара С. Шабунеўскага.

Адна з арганізатараў Міжнародных навуковых Доўнараўскіх чытаньняў у Рэчыцы (з 1997 г.), адказная рэдактарка I - VII зборнікаў "Доўнараўскія чытаньні".

Сябра рэдакцыі "Беларускай гістарычнай энцыкляпэдыі" (Т. 1-6). Сябра Беларускай археаграфічнай камісіі пры Беларускім навукова-дасьледчым інстытуце архіўнай справы і дакумэнтазнаўства (Менск), Гомельскага краязнаўчага таварыства[4].

Кнігі[рэдагаваць | рэдагаваць крыніцу]

• В. Лебедзева. Пуцявінамі змагання і пакутаў: Палута Бадунова. Мн.: Тэхналогія, 2004. ISBN 985-458-094-6.

• В. Лебедзева, Пакліканая свабодай: нарыс жыцця і дзейнасці Палуты Бадуновай. – Гомель: На правах рукапісу, 2018. – 80 с.,

• Мітрафан Доўнар-Запольскі (1868-1934 гг.): асоба ў дакументах і ўспамінах / укл.: В. М. Мятліцкая. - Мінск: Лімарыус, 2020. - 488 с.

• На паграніччы эпох і дзяржаў. Старонкі гісторыі Гомеля (1917—1918) / Валянціна Мятліцкая. — Гомель: Барк, 2021. — 223 с.

Крыніцы[рэдагаваць | рэдагаваць крыніцу]

  1. ^ Памерла гісторык «з прамяністымі вачыма» Валянціна Лебедзева, Наша Ніва, 09.02.2022, https://nashaniva.com/?c=ar&i=284409
  2. ^ Памерла вядомы гісторык Валянціна Лебедзева, 08.02.2022, Budzma.by,https://budzma.org/news/pamerla-valyantsina-lebedzeva.html
  3. ^ Cтаронка філялягічнага факультэтут Гомельскага дзяржаўнага ўнівэрсытэту імя Ф. Скарыны, http://philology.gsu.by/index.php/laboratoria/191-lebedzeva-valyantsina-mikhajla-na
  4. ^ Cтаронка філялягічнага факультэтут Гомельскага дзяржаўнага ўнівэрсытэту імя Ф. Скарыны, http://philology.gsu.by/index.php/laboratoria/191-lebedzeva-valyantsina-mikhajla-na