Валеры Дзідзюля

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Валеры Дзідзюля
Дидюля.JPG
Род дзейнасьці лідэр гурту «ДиДюЛя»
Дата нараджэньня 20 траўня 1969
Месца нараджэньня Горадня, БССР
Грамадзянства Беларусь
Беларусь
Беларусь
Занятак гітарыст, кампазытар і прадусар
Жанры Флямэнка, New-age music[d], рок-музыка, джаз-ф'южн[d], этнічная музыка і танцавальная музыка
Сайт http://www.didula.com

Вале́ры Міхайлавіч Дзідзю́ля (нарадзіўся 20 траўня 1969, Горадня) — беларускі гітарыст і кампазытар, сольны выканаўца. Выконвае фольк-музыку і музыку ў жанры фляменка. Лідэр гурту «ДиДюЛя».

Біяграфія[рэдагаваць | рэдагаваць крыніцу]

Першую гітару Валеры атрымаў у пяць гадоў у падарунак ад сваёй маці. З гэтага моманту ён пачаў «экспэрымэнтаваць з гукам і гітарай»: ставіў на гітару гуказдымальнік, датчык, падлучаў прыладу да самаробнага ўзмацняльніка. Разам з сябрамі наведваў канцэрты, назіраў як гуляюць на вясельлях. Пазьней быў прыняты ў якасьці трэцяга гітарыста ў вакальна-інструмэнтальны ансамбль «Алые Зори» пад кіраўніцтвам Мікалая Хітрыка. Канцэрты праводзіліся ў розных гарадох, калгасах і саўгасах, а пазьней у каапэратыўным рэстаране.

Пасьля развалу ансамбля Дзідзюля заняўся гукарэжысэрскай працай у гарадзенскім ансамблі танца і скокаў «Белыя Росы», дзе гулялася, сьпявалася і танчылася розная музыка, у асноўным беларускія, польскія, украінскія, цыганскія народныя танцы. У складзе гэтага калектыва Дзідзюля ўпершыню пабываў з гастролямі ў Эўропе — у Гішпаніі, Італіі, Польшчы, Швайцарыі, Францыі, Нямеччыне. У Гішпаніі ён пазнаёміўся са стылем фляменка — гішпанскім традыцыйным музычна-танцавальным стылем.

Празь некаторы час Валеры даведаўся пра конкурс маладых выканаўцаў на беларускім тэлебачаньні і вырашыў паспрабаваць. На конкурс ён прыехаў зь Дзімам Куракулавым. Прайшоўшы адборачны тур, яны былі запрошаныя на здымкі. Сыграўшы некалькі музычных кампазыцыяў, Валеры прайшоў у наступны тур і патрапіў на гала-канцэрт. Ужо тамака ён пазнаёміўся з прафэсійнымі рэжысэрамі, рэдактарамі, яны дапамагалі, дзяліліся ўласным досьведам. Вялікую ролю на конкурсе для Валера згуляў Алег Елісеенкаў — беларускі кампазытар.

Валеры Дзідзюля зьяўляецца прадусарам клясычнага гітарыста Дзяніса Асімовіча, які страціў зрок у раньнім узросьце.

Вонкавыя спасылкі[рэдагаваць | рэдагаваць крыніцу]