Брыёш

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Традыцыйная парыская брыёш «з галавою»

Брыёш (па-француску: la brioche) — гатунак букаты (булкі), салодкі і пухкі здобны хлеб, чый рэцэпт ад звычайнага хлеба адрозьніваецца колькасьцю яек, масла, малака ці часам дадаткам сьмятанкі або гарэлкі. Першаўзорны рэцэпт, у якім цеста, заквашанае на піўных дражджах, на содні ставілася ў холад, паўстаў у Нармандыі і Вандэі ў XVI стагодзьдзі, а цяпер брыёш зьяўляецца агульнавядомаю страваю, есца як па-простаму, напрыклад на сьняданак, так і на дэсэрт, у такім выпадку ў склад брыёшы могуць дадавацца разынкі ці камячкі шакаляду. Цеста на брыёш выкарыстоўваецца і для іншых страў францускае кухні: ў яе загортваюць некаторыя адмены паштэтаў, фуа-гра, смажаніны і каўбас.

Паходжаньне слова[рэдагаваць | рэдагаваць крыніцу]

Цяпер прызнаецца, што слова «brioche» паходзіць ад нарманскага павятовага найменьня адмысловае качалкі для хлеба, «brie» ці «broye».

Дадатковыя зьвесткі[рэдагаваць | рэдагаваць крыніцу]

Жан-Жак Русо ў сваіх споведзях распавядае пра нейкую «вялікую княгіню», што сялянам, якія ня мелі хлеба, раіла есьці брыёшы. Гэтае выслоўе, якое найчасьцей перакладаюць як «Калі ў іх няма хлеба, няхай ядуць цестачка» памоўка памылкова ўкладае ў вусны каралевы Марыі-Антуанэты.

Вонкавыя спасылкі[рэдагаваць | рэдагаваць крыніцу]

Commons-logo.svg Брыёшсховішча мультымэдыйных матэрыялаў