Белазерск

Белазерск рас. Белозерск
Населены пункт
Сьцяг Герб
Краіна	Расея
Суб’ект фэдэрацыі	Валагодзкая вобласьць
Першыя згадкі	862
Геаграфія
Вышыня НУМ	130 м
Часавы пас	UTC+03:00
Каардынаты	60°02′00″ пн. ш. 37°47′00″ у. д.
Насельніцтва
Колькасьць	▼8183 чал. (2023)
Лічбавыя ідэнтыфікатары
Тэлефонны код	81756
Паштовы індэкс	161200
Сайт	gorodbelozersk.ru
Белазерск на мапе Расеі Белазерск

Белазе́рск (па-расейску: Белозерск) — горад у Расеі, адміністацыйны цэнтар Белазерскага раёну Валагодзкай вобласьці. Горад месьцьціца на беразе Белага возера. Насельніцтва гораду складае 8 580 чалавек паводле стану на 2020 год.

Гісторыя

Паводле архэалягічных зьвестак горад быў заснаваны ў сярэдзіне X стагодзьдзя на паўднёвым беразе ў вытока ракі Шаксна, дзе ён праіснаваў да сярэдзіны XIV стагодзьдзя. Правабярэжная частка гораду з часам выцягнулася ўздоўж берага ракі амаль на 2 км. Забудова левага берагу Шаксны пачалася не пазьней за першую палову XI стагодзьдзя. Раней меў назву Белавозера. З 1238 году Белавозера было цэнтрам незалежнага Белазерскага княства, а да гэтага ён уваходзіў у склад Растова-Суздальскага княства, якое праіснавала амаль 150 гадоў. Быў гандлёвым і рамесным цэнтрам. У пачатку XIV стагодзьдзя Белавозера згасае, а да сярэдзіны стагодзьдзя плошча ягоных тэрыторыяў скарачаецца да 7 га.

У 1352 годзе ў Белавозера адбылася эпідэмія пошасьці, якая зьнішчыла амаль ўсё насельніцтва. Але з таго, што горад меў важнае становішча на водным шляху, па якім паўночныя землі мелі зносіны з Паволжам, а таксама з гарадамі на Сухоне і Паўночнай Дзьвіне, то горад хутка адрадзіўся. У 1363—1364 гадох Белазерск быў нанова заснаваны на новым месцы за 17 км на захад ад свайго першапачатковага месца. У пачатку XIX стагодзьдзя разьвіцьцю гораду спрыяла Марыінская водная сыстэма, якая пачала дзейнічаць у 1810 годзе.

Вонкавыя спасылкі

• Афіцыйны сайт.