Тарнаскі раён

	Тарнаскі раён
	Герб
Агульныя зьвесткі
Краіна	Расея;
Статус	муніцыпальны раён[d]
Адміністрацыйны цэнтар	Тарнаскі Гарадок
Дата ўтварэньня	1935
Насельніцтва	▼10 460 чал. (2023);
Плошча	5200 км²;
Месцазнаходжаньне
Мэдыя-зьвесткі
	Афіцыйны сайт
	Дадатковыя мультымэдыйныя матэрыялы

Та́рнаскі раён (па-расейску: Тарногский район) — адміністрацыйна-тэрытарыяльная адзінка на паўночным усходзе Валагодзкай вобласьці ў Расеі. Адміністрацыйным цэнтарам зьяўляецца вёска Тарнаскі Гарадок, якая месьціцца за 339 км ад Волагды.

Геаграфія

Тарнаскі раён мяжуе зь Нюксенскім, Тоцемскім і Верхаваскім раёнамі. Плошча раёну складае 5100 км².

Гісторыя

Спрадвечным насельніцтвам тэрыторыі сучаснага раёну былі фіна-вугорскія плямёны. Сталае славянскае насельніцтва ў гэтых месцах зьявілася толькі ў XIII—XIV стагодзьдзях. Затым, гэтая тэрыторыя ўвайшла ў сфэру інтарэсаў Ноўгарада і Растова. У XIV стагодзьдзі гэтыя землі апісваліся як валоданьне расейскіх пасяленцаў, вядома, што ў 1315 годзе шырокі надзел на суседняй Ваге набыў у чудзі наўгародзкі жыхар Васіль Мацьвееў за дваццаць тысячаў вавёрак і дзесяць рублёў. У 1478 годзе Ноўгарад прызнаў над сабой уладу Масквы, таму гэтая тэрыторыя перайшла пад кантроль Маскоўскае дзяржавы. Тарнаскі раён быў утвораны 25 студзеня 1935 году адпаведнасьці з пастановай УЦВК.