Баляслаў Манкевіч

Баляслаў Манкевіч
	Баляслаў Манкевіч
Дата нараджэньня	15 чэрвеня 1905
Месца нараджэньня	Стаўпецкі раён, Беларусь;
Дата сьмерці	16 траўня 1995 (89 гадоў)
Месца сьмерці	Варшава, Польшча;
Месца пахаваньня	Паўночныя камунальныя могілкі[d];
Занятак	карэспандэнт, рэдактар, перакладнік
Узнагароды

Вікіпэдыя мае артыкулы пра іншых асобаў з прозьвішчам Манкевіч.

Балясла́ў Манке́віч (15 чэрвеня 1905, Караліна — 16 траўня 1995, Варшава) — беларускі і польскі журналіст, перакладнік, эспэрантыст.

Жыцьцяпіс

Нарадзіўся ў Караліне, што пад Рубяжэвічамі (цяпер у Стаўпецкім раёне Менскай вобласьці) ў каталіцкай сям’і. Скончыў сямігодку ў Койданаве. У 1926—1928 роках навучаўся на двухгадовых настаўніцкіх курсах у Менску. Сям’ю раскулачылі і саслалі ў РСФСР, а Баляслаў Манкевіч пайшоў на службу ў Чырвонай Арміі. Дэмабілізаваны ў лютым 1929 року^[3].

Уновы з 14 на 15 ліпеня 1930 року разам з братам перайшоў польска-савецкую граніцу ў Коласаве, каб пазьбегнуць арышту. У 1931—1932 роках служыў у войску, пасьля ўладкаваўся рэфэрэнтам у варшаўскі офіс авіякампаніі «Лёт»^[3].

У 1938 здаў экстэрнам іспыты на атэстат сталасьці(d) і паступіў у Акадэмію палітычных навук(d) (скончыў у 1949 року)^[3].

У часы нямецкай акупацыі працаваў у дэлегатуры Беларускага камітэту ў Белай-Падляскай.

З 1952 — рэдактар, намесьнік кіраўніка рэдакцыі Дзяржаўнага школьнага выдавецтва ПНР^[3].

Уваходзіў у склад варшаўскага гуртка Беларускага грамадзка-культурнага таварыства. З 1956 — карэспандэнт тыднёвіку «Ніва». У студзені 1957 року стаў першым старшынём Беларускага выдавецкага камітэту^[4]. У 1958 абраны Генэральным сакратаром Польскага зьвязу эспэрантыстаў(d) і рэдактарам штомесячніку «Польскі эспэрантыст(d)» (на эспэранта: Pola Esperantisto)^[3].

Быў сябрам праграмнай камісіі школаў зь беларускай мовай навучаньня, старшынём экзамэнацыйнай камісіі па беларускай мове пры Міністэрстве ўнутраных справаў Польшчы, рэдактарам праграмаў па навучаньні беларускай мовы ў Міністэрстве асьветы Польшчы^[3].

У 1961—1971 — супрацоўнік Цэнтральнага зьвязу ашчадна-пазыковых каапэратываў. Пасьля сыходу на пэнсію працягваў перакладніцкую дзейнасьць.

Дзейнасьць

Працуючы ў Дзяржаўным школьным выдавецтве, стаў рэдактарам 45 падручнікаў для беларускіх школ на Беласточчыне. 12 зь іх Баляслаў Манкевіч пераклаў на беларускую мову^[3].

Браў удзел у працы над «Падручным польска-беларускім слоўнікам» (1962).

Пераклаў на польскую мову аповесьці Івана Пташнікава «Лонва» (1975), «Тартак» (1977), «Найдорф» (1979). Удзельнічаў у выданьні кнігі нарысаў «Малыя героі вялікай вайны» (польск. Mali bohaterowie wielkiej wojny; 1989)^[3].

На эспэранта пераклаў даведнік «Polando: Geografio. Historio. Kulturo. Mallongaj informoj» (1959, разам з Андрэем Райскім), «Varsovio rekonstruita» (1962), «Enkondukto al ekumenaj problemoj» (1978), «La Dia avarulo» (1979)^[3].

Крыніцы

^ ^а ^б ^в Луба В. Ніўскія карэспандэнты-эсперантысты // Niwa, Niva (белар.) — Беласток: 2009. — вып. 30 (2776). — ISSN 0546-1960
^ Bolesław Monkiewicz // Find a Grave (анг.) — 1996.
^ ^а ^б ^в ^г ^д ^е ^ё ^ж ^з Луба 2009.
^ Лукша 2006.

Літаратура

Віталь Луба(d). Ніўскія карэспандэнты-эспэрантысты // Ніва : тыднёвік беларусаў у Польшчы. — Беласток: 26 ліпеня 2009. — № 30 (2776). — ISSN 0546-1960.
Міра Лукша. Вось такія былі пачаткі „Нівы“ // Ніва : тыднёвік беларусаў у Польшчы. — Беласток: 15 студзеня 2006. — № 3 (2592). — ISSN 0546-1960.

[_043111fc360deaf4-1] а ^б ^в Луба В. Ніўскія карэспандэнты-эсперантысты // Niwa, Niva (белар.) — Беласток: 2009. — вып. 30 (2776). — ISSN 0546-1960

[_3f95cf1b38587302-2] Bolesław Monkiewicz // Find a Grave (анг.) — 1996.

[FOOTNOTEНіва12009-3] а ^б ^в ^г ^д ^е ^ё ^ж ^з Луба 2009.

[FOOTNOTEНіва22006-4] Лукша 2006.

[1]

[2]

[3]

[4]