Бадалёна

Бадалёна
	Бадалёна
	Населены пункт
Сьцяг	Герб
Краіна	Гішпанія
Аўтаномная супольнасьць	Каталёнія
Правінцыя	Барсэлёна
Кіраўніцтва і ўлада
mayor of Badalona[d]	Хавіер Гарсія Альбіёль[d]
Геаграфія
Плошча	22,17 км²
Вышыня НУМ	12 м
Часавы пас	UTC+1; UTC+2 (летні час);
Каардынаты	41°26′56″ пн. ш. 2°14′46″ у. д.HGЯO
Насельніцтва
Колькасьць	220 977 чал. (2012)
Афіцыйная мова	каталянская мова
Этнахаронімы	badaloní
Лічбавыя ідэнтыфікатары
Паштовы індэкс	08910–08918
Нумарны знак	B
Сайт	badalona.cat
	Бадалёна на мапе Гішпаніі Бадалёна

Бадалёна (па-каталянску: Badalona) — горад ва паўночна-ўсходняй частцы Гішпаніі, які месьціцца ў аўтаномнай супольнасьці Каталёнія. Места разьмешчана ў камарцы Барсэлёны, зьяўляючыся часткай сталічнай вобласьці Барсэлёны. Горад разьмешчаны на левым беразе невялікай ракі Бэзас, а таксама мае выхад да Міжземнага мора. Бадалёна зьяўляецца трэцім паводле ліку жыхароў горадам у Каталёніі пасьля Барсэлёны й Асьпіталет-дэ-Льёбрэгат. Статус гораду быў атрыманы Бадалёнай у 1897 годзе.

Гісторыя

Бадалёна была заснавана рымлянамі ў III стагодзьдзі да н. э., пад імём Баэтулё (лац. Baetulo), хоць паселішчы ў гэтым раёне існавалі з 3500—2500 да н. э. Рымскі горад заўмаў плошчу ў 11 га, зь лініяй сьценаў 413×261 м, паселішча мела вялікія абарончыя вежы. У I стагодзьдзі да н. э. у горадзе месьцілася 15 тысячаў жыхароў.

Цяперашняя Бадалёна была створана ў X стагодзьдзі. Манастыр Сант-Хэрані-дэ-ля-Муртра, пабудаваны ў XIV стагодзьдзі, зьяўляўся летняй рэзыдэнцыяй каталіцкіх манархаў Гішпаніі. Бадалёна была адным з самых важных гарадоў падчас гішпанскага індустрыялізацыі ў XIX стагодзьдзі.