Асэнаўград

	Асэнаўград
	баўг. Асеновград
Герб Асэнаўграду
Краіна:	Баўгарыя
Вобласьць:	Плоўдзіўская
Плошча:	78,012 км²
Вышыня:	269 м н. у. м.
Насельніцтва (2011)
колькасьць:	50 846 чал.
шчыльнасьць:	651,77 чал./км²
Часавы пас:	UTC+2
летні час:	UTC+3
Тэлефонны код:	0331
Паштовы індэкс:	4230
Геаграфічныя каардынаты:	42°0′29.473″ пн. ш. 24°52′38.262″ у. д. / 42.00818694° пн. ш. 24.877295° у. д.Каардынаты: 42°0′29.473″ пн. ш. 24°52′38.262″ у. д. / 42.00818694° пн. ш. 24.877295° у. д.
	Асэнаўград на мапе Баўгарыі Асэнаўград
	Галерэя здымкаў у Вікісховішчы
	http://www.assenovgrad.com/

Асэнаўград (па-баўгарску: Асеновград, да 1934 году — Станімака) — горад на поўдні Баўгарыі, у Плоўдзіўскай вобласьці. Разьмешчаны за 19 км на поўдзень ад Плоўдзіва і за 165 км ад Сафіі. Зьяўляецца другім паводле велічыні горадам у вобласьці і адміністрацыйным цэнтрам грамады Асэнаўграду. Асэнаўград — найбуйнейшы ў Баўгарыі горад, які не зьяўляецца абласным цэнтрам, а таксама найбуйнейшы горад Радопаў.

Над горадам знаходзяцца разваліны фартэцыі, якая была ўмацавана Іванам Асэнем II і пераўтворана ў важны фарпост у абароне паўднёвых граніцаў Другога Баўгарскага царства.

Горад вядомы сваімі шматлікімі цэрквамі, манастырамі і капліцамі, і яго часта называюць «Маленькі Ерусалім». Таксама вядомы як «Горад вясельных сукенак» з-за вялікай колькасьці атэлье і крамаў адзеньня і аксэсуараў для вясельля.

Геаграфія

Асэнаўград знаходзіцца ў паўднёвай частцы Плоўдзіўскай вобласьці. Горад разьмешчаны ў даліне ракі Чэпеларскай пры пераходзе ад Радопаў да Верхнетракійскай нізіны. Такім чынам грамада Асэнаўграду злучае цэнтральную Баўгарыю, цэнтральныя Радопы і паўночна-ўсходнюю Грэцыю. Празь яе тэрыторыю праходзіць адзін з найважнейшых транспартных калідораў у Грэцыю: Плоўдзіў — Смолян — Ксанты.