Арцём Парахоўскі

	Арцём Парахоўскі
Пазыцыя:	цэнтравы
Рост:	210 см
Вага:	120 кг
Грамадзянства:	Беларусь;
Нарадзіўся:	6 кастрычніка 1987 (38 гадоў); Менск, БССР, СССР;
Альма-матэр:	Універсітэт Рэдфард[d]; College of Southern Idaho[d];
Клюбы
Гады	Клюб
2006—2008	Саўтэрн Айгада Голдэн Іглз[d]
2008—2010	Рэдфард Гайлэндэрз[d]
2010—2011	ВЭФ Рыга
2011—2012	Будзівельнік Кіеў[d]
2012—2013	Эскішэхір[d]
2013—2014	Гапаэль Ерусалім[d]
2014—2015	Ніжні Ноўгарад
2015—2017	УНІКС
2017—2018	Макабі Тэль-Авіў[d]
2018—2019	Рытас Вільня
2019	Партызан Бялград[d]
2020	Цмокі-Менск
2020	СІГ Страсбур[d]
2020—2021	Андора[d]
2021—2022	Парма Перм
2022—2024	Сьлёнск[d]

Арцём Мікала́евіч Парахо́ўскі (нар. 6 кастрычніка 1987, Менск, БССР) — колішні беларускі баскетбаліст. Мае на сваім рахунку матчы ў складзе зборнай Беларусі. Выступае на пазыцыі цэнтравога. Найлепшы баскетбаліст Беларусі (2014, 2015, 2016).

Кар’ера

Нарадзіўся ў сям’і спартовых трэнэраў, у дзяцінстве займаўся футболам. З-за росту ў 16-гадовым узросьце перайшоў у баскетбол. Дзякуючы выступу на юніёрскім чэмпіянаце Эўропы быў заўважаны памочнікам трэнэра Бінгэмтанскага ўнівэрсытэту Алі Тонам і запрошаны ў юніёрскі коледж у ЗША.

Паступіў у коледж Паўднёвага Айдага, адначасна вывучаючы ангельскую мову. Тут згуляў у 63 гульнях з паказьнікам 10,1 пункту, 6,4 падбору за гульню. Увасьлед за Алі Тонам перайшоў у Рэдфардскі ўнівэрсытэт, у камандзе якога правёў два сэзоны. У 2008—2009 паказаў вынікі 16,2 пункту, 11,2 падбору і 1,5 блёку за гульню, а ў фінале Вялікай паўднёвай канфэрэнцыі набраў 26 пунктаў і зьдзейсьніў 18 падбораў, чым зрабіў свой клюб чэмпіёнам. У сакавіку 2009 яго прызналі гульцом году Вялікай паўднёвай канфэрэнцыі.

У наступным сэзоне Парахоўскі набіраў у сярэднім 21,4 пункту, 13,4 падбору і 2,1 блёк-шоту за гульню. За два сэзоны ў Рэдфардзе Арцём Парахоўскі набраў 1195 пунктаў, 783 падборы і 115 блёк-шотаў, двойчы быў прызнаны гульцом канфэрэнцыі.

Нягледзячы на свае посьпехі, гулец, аднак, так і ня быў задрафтаваны клюбамі НБА. Пасьля кароткага выступу за «Бостан Сэлтыкс» у Летняй лізе 20 жніўня 2010 году ён заключыў кантракт з латвійскім клюбам ВЭФ, зь якім стаў чэмпіёнам краіны. 24 чэрвеня 2014 году перайшоў у расейскі «Ніжні Ноўгарад». Пасьля выступаў за андорскі «Марабанк» у 2021 годзе перайшоў у расейскі клюб «Парму». З 2022 па 2024 гады бараніў колеры польскага клюбу «Сьлёнск»^[5], а затым завяршыў кар’еру.

Узнагароды

Індывідуальныя

«ВЭФ Рыга»: 2010—2011

Найкаштоўнейшы гулец Балтыйскай баскетбольнай лігі: 1

«Макабі» Тэль-Авіў:

«Летувас Рытас»:

Баскетбаліст году Беларусі: 2014^[6], 2015, 2016

Крыніцы

1 2 Artsiom Parakhouski // FIBA database
1 2 ACB.com
1 2 TBLStat.net
↑ College Basketball at Sports-Reference.com
↑ Экс-центровой «Пармы» Параховский подписал контракт с польским «Шленском». Championat.com.
↑ Арцём Парахоўскі і Алена Леўчанка прызнаны лепшымі баскетбалістамі Беларусі 2014 года Спорт. БелТА (23 сьнежня 2014). Праверана 26 студзеня 2015 г.

Вонкавыя спасылкі

Профіль (анг.) на Sport-Reference
Профіль (анг.) на Euro Cup basketball
Профіль (анг.) на ESPN
Профіль (італ.) у «Сэрыі А»
Профіль (анг.) на TBLStat

[_f8cf72ce9143b600-1] 1 2 Artsiom Parakhouski // FIBA database

[_b422cd63e6c26a8c-2] 1 2 ACB.com

[_197c33134656592b-3] 1 2 TBLStat.net

[_663eecf76e19d5a7-4] College Basketball at Sports-Reference.com

[5] Экс-центровой «Пармы» Параховский подписал контракт с польским «Шленском». Championat.com.

[6] Арцём Парахоўскі і Алена Леўчанка прызнаны лепшымі баскетбалістамі Беларусі 2014 года Спорт. БелТА (23 сьнежня 2014). Праверана 26 студзеня 2015 г.

[1]

[2]

[3]

[4]

[5]

[6]