Арсен Насонаў
Арсен Мікалаевіч Насонаў | |
| Арсений Николаевич Насонов | |
| Дата нараджэньня | 15 (27) жніўня 1898 |
|---|---|
| Месца нараджэньня | Эўпаторыя, Таўрыцкая губэрня, Расейская імпэрыя |
| Дата сьмерці | 23 красавіка 1965[1] (66 гадоў) |
| Месца сьмерці | Масква, СССР |
| Месца пахаваньня | |
| Месца вучобы | Санкт-Пецярбургскі дзяржаўны ўніверсітэт |
| Занятак | навуковец |
| Навуковая сфэра | гісторыя, археаграфія, крыніцазнаўства, гістарычная геаграфія |
| Месца працы | |
| Навуковая ступень | доктар гістарычных навук[d] |
Арсен Мікалаевіч Насонаў (27 жніўня 1898, места Эўпаторыя — 23 красавіка 1965) — расейскі гісторык. Доктар гістарычных навук (1944).
Скончыў у 1922 Петраградзкі ўнівэрсытэт. Працаваў у Дзяржаўным Эрмітажы, потым у маскоўскай групе Гістарычна-археалягічнага інстытуту АН СССР, Інстытуце гісторыі АН СССР. Вывучаў гісторыю Русі эпохі фэадалізму, гістарычную геаграфію, крыніцазнаўства.
Выявіў і дасьледаваў больш за 1000 старажытных рукапісаў зь летапіснымі тэкстамі, выдаў многія рускія летапісы. У працы «Руская зямля і ўтварэньне тэрыторыі старажытнарускай дзяржавы», якая выдадзеная ў 1951, дасьледаваў Полацкую, Тураўскую, Берасьцейскую землі. Паводле ягоных меркаваньняў, Летува ў 12 ст. разьмяшчалася на суседзтве зь Менскам і плаціла даніну Полацку. Ён прааналізаваў працэс фармаваньня і росту тэрыторыі Полацкай зямлі, прычыны барацьбы Полацка зь Кіевам, а таксама выказаў меркаваньне пра мясцовае паходжаньне першага полацкага князя Рагвалода.
Літаратура
[рэдагаваць | рэдагаваць крыніцу]- Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
- ^ Насонов Арсений Николаевич // Большая советская энциклопедия (рас.): [в 30 т.] / под ред. А. М. Прохорова — 3-е изд. — Москва: Советская энциклопедия, 1969.