Арка Гдыня
| Арка Гдыня | |||||
 | |||||
| Заснаваны | 1929 | ||||
|---|---|---|---|---|---|
| Горад | Гдыня, Польшча | ||||
| Стадыён | ГОСіР Умяшчальнасьць: 15 139 | ||||
| Галоўны трэнэр | |||||
| Чэмпіянат | Экстракляса | ||||
| · 2025—2026 | 17 месца (паніжэньне) | ||||
| |||||
 Галерэя здымкаў у Вікісховішчыarka.gdynia.pl (пол.) | |||||
«Арка» (па-польску: Arka) — польскі футбольны клюб з гораду Гдыні. Заснаваны ў 1929 годзе. Двухразовы ўладальнік Кубка Польшчы (1979, 2017).
Гісторыя
[рэдагаваць | рэдагаваць код]Гісторыя «Аркі» бярэ свой пачатак у 1929 годзе, калі група работнікаў порту Гдыні заклалі спартовы клюб. У 1932 годзе ў Палянцы Радлоўскай быў адкрыты новы стадыён. Гэтае месца выкарыстоўвалася клюбам ажно да 2000 году. У 1947 годзе адбылося аб’яднаньне шэрагу клюбаў з Гдынскага рэгіёну. У 1953 годзе каманда ўпершыню прабілася ў трэці дывізіён польскага футболу, паказваючы добры футбол цягам усяго сэзону. Акрамя гульняў у міжваяводзкай лізе «Арка» дэбютавала ў Кубку Польшчы, дзе у першым сваім матчы турніру перамагла другую каманду лодзкага ЛКС зь лікам 5:2, а ў матчы за выхад у 1/16 фіналу — ольштынскую «Вармію» з такім жа лікам.
У 1960 годзе, пасьля драматычнай гульні супраць кракаўскага «Гутніка», «Арка» атрымала права выступіць у другой дывізіёне. Перад самым пачаткам сэзону другой лігі 1964—1965 гадоў клюбу была нададзеная назва МЗКС Гдыня, але не зважаючы на гэта, заўзятары працягвалі выкарыстоўваць старую назву «Арка». Артыкул на гэтую тэму быў апублікаваны ў газэце Głos Wybrzeża, у якім прапаноўвалася вярнуцца да традыцыйнай назвы. У выніку папярэдняя назва была адноўленая 9 траўня 1972 году. Ужо ў наступным сэзоне 1973—1974 гадоў каманда ўпершыню ў сваёй гісторыі прабілася ў Экстраклясу[2].
9 траўня 1979 году, у сёмую гадавіну перайменаваньня клюбу, «Арка» здабыла Кубак Польшчы, выгуляўшы ў фінале кракаўскую «Віслу» зь лікам 2:1, дзякуючы галам Януша Купцэвіча і Тадэвуша Крыстыняка. Здабыўшы галоўны кубкавы трафэй краіны, «Арка» стала першай футбольнай камандай з Памор’я, якая дасягнула такога посьпеху. Акрамя таго, перамога ў кубку дазволіла «Арцы» згуляць у Кубку ўладальнікаў кубкаў. У 1/16 фіналу «Арка» сустрэлася з баўгарскім «Берое». 19 верасьня «Арка» прымала каманду з Баўгарыі і перамагла зь лікам 3:2, але матч у адказ скончыўся паразай зь лікам 0:2. Такім чынам, «Арка» выбыла з спаборніцтваў. Ужо праз тры гады пасьля гістарычнага посьпеху «Арка» заняла перадапошняе месца ў Экстраклясе і вылецела ў другі дывізіён. Наступныя гады вызначыліся заняпадам, бо «Арка» спаборнічала ў другой і трэцяй лігах. Аднаўленьня каманды заўзятарам давялося чакаць да 2000 году. У той год клюб пераехаў на новы Гарадзкі стадыён. У сэзоне 2004—2005 гадоў гдынцы прапусьцілі найменшую колькасьць галоў сярод усіх каманд, занялі трэці радок у Першай лізе і праз 23 гады вярнуліся ў Экстраклясу.
Аднак у наступным сэзоне, пасьля пасьпяховага восеньскага адрэзку, кіраўніцтва клюбу поруч зь пяцьцю іншымі камандамі пачула абвінавачваньні ва ўдзеле ў карупцыйным скандале, які ахапіў польскі футбол. 22 сакавіка 2007 году клюб быў адхілены ад усіх спаборніцтваў на адзін месяц. Згодна з далейшымі захадамі, зробленымі пасьля расьсьледаваньня, «Арка» была пераведзеная ў Першую лігу і атрымала штраф у 200 тысяч злотых ды пяць зьняты пунктаў з пачатку наступнага сэзону. Захаваўшы асноўны склад, гдынскі клюб адразу вярнуўся ў эліту. У сэзоне 2016—2017 гадоў «Арка» займела чарговыя посьпехі, бо ў другі раз у гісторыі стала ўладальніцай Кубку Польшчы, адолеўшы ў фінале познанскі «Лех» зь лікам 2:1 у дадатковы час. Гэтая перамога дазволіла клюбу згуляць у трэцім раўндзе адборачнага раўнду Лігі Эўропы. На пачатку наступнага сэзону «жоўта-сінія» таксама перамаглі чэмпіёнаў краіны клюб «Легію» ў сэрыі пэнальці.
Склад
[рэдагаваць | рэдагаваць код]- Актуальны на 22 лютага 2026 году
|
|
.svg){kind=small}
Крыніцы
[рэдагаваць | рэдагаваць код]- ↑ https://www.transfermarkt.com/arka-gdynia/mitarbeiterhistorie/verein/6107
- ↑ «Z kart historii Arki Gdynia». Wirtualna Polska, 2009-07-27.