Перайсьці да зьместу

Антон Шрамчанка

Зьвесткі зь Вікіпэдыі — вольнай энцыкляпэдыі
Антон Шрамчанка
Пэрсанальная інфармацыя
Нарадзіўся 12 сакавіка 1993(1993-03-12)[1] (31 год)
Рост 165 см
Вага 61 кг[1]
Пазыцыя паўабаронца
Клюбная інфармацыя
Клюб Жэтысу
Нумар 20
Клюбы
Гады Клюб Гульні (галы)¹
2011—2014 Дняпро Магілёў 78 (9)
2015 Белшына 24 (3)
2016 Дынама Менск 6 (1)
2017 Дняпро Магілёў 28 (4)
2018—2019 Гомель 57 (5)
2020—2022 Менск 83 (12)
2023 Шахцёр Салігорск 12 (3)
2023 Мактаарал 10 (1)
2024—4 Жэтысу
Зборныя
2013—2014 Беларусь (да 21) 10 (3)

Антон Шра́мчанка (нарадзіўся 12 сакавіка 1993 году) — беларускі футбаліст, паўабаронца казаскага клюбу «Жэтысу».

Кар’ера

[рэдагаваць | рэдагаваць крыніцу]

Пачаў займацца футболам у родным Рагачове, дзе у веку 13 гадоў быў залічаны ў спэцыяльную футбольную клясу Менскай сувораўскай вучэльні, дзе вучыўся на працягу чатырох гадоў. Пасьля заканчэньня вучэльні ў 2010 годзе стаў выступаць за дубль магілёўскага «Дняпра», а на наступны год дэбютаваў у аснове. Першую палову 2012 году правёў у складзе фарм-клюбу «Дняпро-2», пасьля вярнуўся ў асноўную каманду і дапамог ёй здабыць перамогу ў Першай лізе. Сэзон 2013 году распачаў на лаўцы запасных, але пазьней замацаваўся ў асноўным складзе, звычайна гуляў на пазыцыі левага флянгавага нападніка. Выдатна праявіў сябе і ў выніку з 5 галамі стаў найлепшым бамбардзірам клюбу ў сэзоне. У сэзоне 2014 году гуляў ужо ня так пасьпяхова, то бок зарабіў толькі 2 мячы ў чэмпіянаце, нярэдка заставаўся на лаве запасных. Паводле вынікаў сэзону «Дняпро» зноў вылецеў у Першую лігу.

З 2015 году выступаў за бабруйскую «Белшыну»[2]. У лютым 2016 году падпісаў кантракт зь менскім «Дынама»[3]. Замацаваўся ў складзе «Белшыны», выступаў на пазыцыі цэнтральнага нападніка або ўскрайняга паўабаронцы. У студзені 2016 году, пасьля прыходу ў «Белшыну» новага кіраўніцтва, вырашыў пакінуць клюб[4]. Неўзабаве цікавасьць да Шрамчанкі стала выказваць менскае «Дынама», і пасьля прагляду ў лютым ён стаў гульцом менчукоў[5]. Пачатак сэзона 2016 году прапусьціў праз траўмы, і вярнуўся на поле ў чэрвені, але ня здолеў замацавацца ў асноўным складзе дынамаўцаў. У сьнежні 2016 году па заканчэньні кантракта пакінуў сталічны клюб[6].

З студзеня 2017 году зноў трэнаваўся разам з магілёўскім «Дняпром», і ў лютым склаў угоду з клюбам[7]. Пачынаў сэзон у стартавым складзе магілёўцаў, у другой палове сэзону стаў часьцей выходзіць на замену. У студзені 2018 году пакінуў магілёўскі клюб[8] і неўзабаве стаў гульцом «Гомлю»[9]. У сэзоне 2018 году быў трывалым футбалістам асноўнага складу «Гомля», правёў усе 30 матчаў чэмпіянату Беларусі і два кубкавых. У сьнежні 2018 году падоўжыў кантракт з гомельскім клюбам[10]. У сэзоне 2019 году заставаўся гульцом стартавага складу, але ня здолеў выратаваць каманду ад вылету ў Першую лігу. У сьнежні 2019 году пакінуў «Гомель»[11].

У студзені 2020 году падпісаў аднагадовы кантракт зь «Менскам»[12]. Стаў адным з асноўных гульцом каманды. У студзені 2022 году падоўжыў кантракт да канца сэзону 2022 году[13]. Пасьпяхова правёў сэзон 2022 году, з 12 галявымі перадачамі стаў найлепшым асыстэнтам чэмпіянату, а зь лета стаў таксама капітанам дружыны.

У сьнежні 2022 году па заканчэньні кантракту пакінуў сталічны клюб[14] і неўзабаве склаў двухгадовае пагадненьне з салігорскім «Шахцёрам»[15]. Стаў гульцом стартавага складу каманды. У ліпені 2023 году пакінуў салігорскі клюб[16] і хутка далучыўся да казаскага «Мактааралу»[17]. У лютым 2024 году, пасьля таго як «Мактаарал» ня быў дапушчаны да новага сэзону Прэм’ер-лігі, перайшоў у «Жэтысу»[18].

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Белшына 2015 Найвышэйшая ліга 24 3
Дынама Менск 2016 Найвышэйшая ліга 6 1
Дняпро Магілёў 2017 Найвышэйшая ліга 28 4
Гомель 2018 Найвышэйшая ліга 30 3

Крыніцы

[рэдагаваць | рэдагаваць крыніцу]
  1. ^ а б в г д е ё https://fcminsk.by/player/anton-shramchenko/
  2. ^ Бюджет-2015: минус девять миллионов (рас.)
  3. ^ Хващинский, Шрамченко и Козлов подписали контракты с минским «Динамо» (рас.)
  4. ^ Антон Шрамченко: «Решил уйти, от прошлогодней «Белшины» все равно мало что осталось»
  5. ^ Хващинский, Шрамченко и Козлов подписали контракты с минским "Динамо"
  6. ^ Минское "Динамо" покинуло пятеро футболистов
  7. ^ Антон Шрамченко подписал контракт с "Днепром"
  8. ^ Терещенко, Шрамченко, Тупчий покинули «Днепр». Павлов может продлить контракт
  9. ^ Шрамченко подписал контракт с "Гомелем"
  10. ^ Шрамченко продлил контракт с "Гомелем"
  11. ^ Шрамченко расстался с "Гомелем"
  12. ^ Официально: Шрамченко пописал годичный контракт с "Минском"
  13. ^ Шрамченко и Хващинский будут защищать цвета "Минска"
  14. ^ Футбол. "Минск" объявил об уходе 16 футболистов. Среди них Хващинский и Шрамченко (рас.) Праверана 2022-12-19 г.
  15. ^ Футбол. Антон Шрамченко подписал контракт с солигорским "Шахтером" (рас.) Праверана 2022-12-23 г.
  16. ^ "Шахтер" объявил о расставании со Шрамченко. За ним могут последовать еще как минимум 5 футболистов (рас.) Праверана 2023-07-06 г.
  17. ^ Шрамченко стал одноклубником Юденкова в "Мактаарале" (рас.) Праверана 2023-07-10 г.
  18. ^ Антон Шрамченко перешел в "Жетысу" (рас.)

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Антон_Шрамчанка&oldid=2489991»