Анатоль Кудравец

Анатоль Кудравец
Асабістыя зьвесткі
Нарадзіўся	1 верасьня 1936(1936-09-01) Аколіца, Каўбчанскі сельсавет, Клічаўскі раён, БССР, СССР
Памёр	8 траўня 2014(2014-05-08) (77 гадоў) Менск, Беларусь
Пахаваны	Каладзішчанскія могілкі[d]
Літаратурная дзейнасьць
Род дзейнасьці	пісьменьнік, перакладнік, сцэнарыст
Гады творчасьці	1960 — 2014
Мова	беларуская мова і расейская мова
Узнагароды	Залаты апостраф (2012) Літаратурная прэмія імя Якуба Коласа (1986)

Анато́ль Па́ўлавіч Кудраве́ц (1 верасьня 1936, в. Аколіца, Клічаўскі раён, Магілёўская вобласьць — 8 траўня 2014, Менск) — беларускі пісьменьнік, перакладчык, кінасцэнарыст.

Біяграфія

Нарадзіўся 1 верасьня 1936 году ў в. Аколіца Клічаўскага раёну Магілёўскай вобласьці. У 1955 годзе скончыў Слуцкую пэдагагічную вучэльню, у 1963 годзе скончыў аддзяленьне журналістыкі Беларускага дзяржаўнага ўнівэрсытэту.

Працаваў настаўнікам, рэдактарам на Беларускім радыё, літаратурным работнікам газэты «Літаратура і мастацтва», рэдактарам выдавецтва «Беларусь», адказным сакратаром часопісу «Маладосьць», галоўным рэдактарам выдавецтва «Мастацкая літаратура» (1972—1974), інструктарам, загадчыкам сэктару мастацкай літаратуры цэнтральнага камітэту Камуністычнай партыі Беларусі (1974—1978), на працягу 19 гадоў — галоўным рэдактарам часопісу «Нёман» (1978—1997). Займаўся перакладамі. Сябра Саюзу пісьменьнікаў СССР з 1969 году.

Памёр 8 траўня 2014 году ў Менску. Пахаваны ў Менску на Каладзішчанскіх могілках.

Асноўныя творы

• «На зялёнай дарозе» (1968)
• «Раданіца» (1971)
• «Дзень перад сьвятам» (1975)
• «Зімы і вёсны» (1976)
• «На балоце скрыпелі драчы» (1979)
• «За чужымі далямі» (1981)
• «Сачыненьне на вольную тэму» (1985)
• Выбраныя творы ў двух тамах (1986—1987)
• «Блакітны вярблюд» (1990)
• «Сьмерць нацыяналіста» (1992)

Узнагароды

• ордэн Дружбы народаў.
• ляўрэат Дзяржаўнай прэміі імя Якуба Коласа за раман «Сачыненьне на вольную тэму» (1986)
• ляўрэат прэміі «Залаты апостраф» (2012)