Ам’ен

	Ам’ен
	Amiens
Герб Ам’ену
Рэгіён:	О-дэ-Франс
Дэпартамэнт:	Сома
Насельніцтва:	133755 (2016)
Часавы пас:; • летні час:	UTC+1 ; UTC+2
Геаграфічныя каардынаты:	49°54′00″ пн. ш. 2°18′00″ у. д. / 49.9° пн. ш. 2.3° у. д.Каардынаты: 49°54′00″ пн. ш. 2°18′00″ у. д. / 49.9° пн. ш. 2.3° у. д.
	Ам’ен на мапе Францыі Ам’ен
	Галерэя здымкаў у Wikimedia Commons
	http://www.amiens.fr

Ам’ен (па-француску: Amiens, па-пікардзку: Anmien) — горад на поўначы Францыі, які месьціцца на сямі рукавах ракі Сомы. Галоўны горад гістарычнай вобласьці й былога рэгіёну Пікардыя (зь 1 студзеня 2016 — у складзе рэгіёну О-дэ-Франс). Адміністрацыйны цэнтар дэпартамэнту Сома. Насельніцтва на 2016 год — 133 755 жыхароў.

Эканоміка й адукацыя[рэдагаваць | рэдагаваць крыніцу]

Як і іншыя гарады на паўночным-захадзе Францыі, Ам’ен адвеку быў буйным цэнтрам тэкстыльнай прамысловасьці. У цяперашні час у горадзе прадстаўлены такія галіны, як машынабудаваньне, лёгкая, хімічная прамысловасьць. У 1970 годзе адчыніўся ўнівэрсытэт Пікардыі, які носіць імя знакамітага амьенца Жуля Вэрна.

Славутасьці[рэдагаваць | рэдагаваць крыніцу]

Амьен моцна пацярпеў падчас абедзьвюх сусьветных войнаў. Цэнтар гораду з адноўленай ратушай XVII стагодзьдзя, царквой Сэн-Жэрмэн XV стагодзьдзя і тэатрам часоў Людовіка XVI быў адбудаваны ў пасьляваенны час.

Галоўная славутасьць гораду — Ам’енскі сабор, здольны зьмясьціць больш вернікаў, чым любы іншы гатычны храм Францыі. Джон Роскін назваў яго найчыстым узорам готыкі. З 1981 году сабор знаходзіцца пад аховай ЮНЭСКО як помнік Сусьветнай спадчыны чалавецтва.

Зборы старажытнаэгіпецкага, антычнага й заходнеэўрапейскага мастацтва разьмешчаны ў музэі Пікардыі — адным з найбуйнейшых рэгіянальных музэяў Францыі.