Аляксей Палуян

Вікіпэдыя мае артыкулы пра іншых асобаў з прозьвішчам Палуян.

Аляксей Палуян
Дата нараджэньня	18 кастрычніка 1989
Месца нараджэньня	Баранавічы, БССР
Грамадзянства	Беларусь
Альма-матэр	Беларускі дзяржаўны ўнівэрсытэт інфарматыкі і радыёэлектронікі
Занятак	рэжысэр
Гады дзейнасьці	з 2013
Узнагароды	шмат
IMDb	ID nm8667793

Аляксе́й Палуя́н (18 кастрычніка 1989, Баранавічы) — беларускі кінарэжысэр дакумэнтальных і мастацкіх фільмаў, удзельнік міжнародных кінафэстываляў.

Скончыў баранавіцкую гімназію №4. У 2012 годзе скончыў Беларускі дзяржаўны ўнівэрсытэт інфарматыкі і радыёэлектронікі. У 2013 годзе паступіў на факультэт кіно і тэлебачаньня Акадэміі мастацтваў у Касэлі ў майстэрню Яны Друзь.

Яго фільм «Возера радасці» зьняты ў 2017 годзе па рамане вядомага беларускага пісьменьніка Віктара Марціновіча, з моманту яго сусьветнай прэм’еры на фэстывалі ў Клермон-Фэране (буйнейшы фэстываль кароткага мэтру ў сьвеце, фільм-пераможца якога аўтаматычна трапляе ў намінанты на «Оскар») аб’ехаў не адзін фэстываль і сабраў шмат узнагарод ня толькі ў Эўропе, але і ў Амэрыцы.

Фільмаграфія

• «Сафія»
• «Вяртаньне»
• «Парушэньне спакою»
• «Край жанчын»
• «Возера радасьці»

Узнагароды

• Галоўны прыз 19-га фэстывалю Nevada Sity Film Festival у ЗША, за фільм «Возера радасьці», а таксама прыз у намінацыі Best narrativ short
• Прыз нямецкага кінафэстывалю Hessen Film Awards у намінацыі «Лепшы кароткамэтражны фільм» за стужку «Возера радасьці»

Вонкавыя спасылкі

• Афіцыйная старонка
• Аляксей Палуян на imdb.com
• Аляксей Палуян на Кінапарк
• Баранавіцкі рэжысёр, чый фільм можа патрапіць на «Оскар», расказаў пра будучыню Беларусі і беларускага кіно, Intex-press, 24-01-2019