Аляксей Валабуеў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксей Валабуеў
Асабістыя зьвесткі
Нарадзіўся: 13 чэрвеня 1981 (38 гадоў)
Рось, Гарадзенская вобласьць, БССР
Партыя: Малады Фронт
Адукацыя: вышэйшая

Аляксей Валабуеў — грамадзкі актывіст, рэдактар газэты «Свабодны Салігорск».

Біяграфія[рэдагаваць | рэдагаваць крыніцу]

Нарадзіўся 13 чэрвеня 1981 году ў пасёлку Рось Гарадзенскай вобласьці Ваўкавыскага раёну[1].

У 2003 годзе скончыў Полацкі дзяржаўны ўнівэрсытэт, атрымаўшы прафэсію інжынэра-будаўніка па спэцыяльнасьці «Прамысловае і грамадзянскае будаўніцтва». У жніўні 2003 году разьмеркаваны ў Салігорск у будаўнічую арганізацыю, дзе працуе інжынэрам да цяперашняга часу.

Беспартыйны. Зьяўляецца чальцом Рэспубліканскага Праваабарончага Грамадзкага Аб’яднаньня «Беларускі Хэльсынскі камітэт», сябра «Маладога Фронту». Удзельнік «Школы правоў чалавека», заснаванай праваабарончым цэнтрам «Вясна» і міжнародным аб’яднаньнем «Грамадзянская Беларусь», і іншых грамадзкіх адукацыйных праграм.

Грамадзка-палітычная дзейнасьць[рэдагаваць | рэдагаваць крыніцу]

Удзельнік вулічных выступаў 2004—2009 гадох у Менску і Салігорску, не аднойчы затрымліваўся міліцыяй і атрымліваў адміністрацыйныя пакараньні за актыўную грамадзянскую пазыцыю.[2][3][4][5][6][7]

Падчас перадвыбарчай прэзыдэнцкай кампаніі 2006 году зьяўляўся сябрам ініцыятыўнай групы Аляксандра Мілінкевіча. Стала прымае ўдзел у выбарчых кампаніях у якасьці назіральніка ад БХК (выбарчыя кампаніі 2004, 2006, 2007 гадоў). Прымаў удзел у выбарчай кампаніі 2007 году ў мясцовыя саветы, аднак ня быў зарэгістраваны ў якасьці кандыдата.[8]

Адзін з заснавальнікаў і рэдактар газэты «Свабодны Салігорск». Сталы ўдзельнік журы конкурса малюнкаў крэйдай на асфальце ў Салігорску[9],[10][11] які праводзіцца з нагоды прыняцьця «Дэклярыцыі аб незалежнасьці» 27 ліпеня 1990 году.

Удзельнік і адзін з арганізатараў грамадзкіх кампаніяй «МТС па-беларуску»[12][13] і «Беларуску кнігу — дзецям» [14][15]

Ініцытар гарадзкога грамадзкага маніторынгу ў Салігорску па стану даступнасьці аб’ектаў грамадзкага ды жыльлёвага прызначэньня для асобаў з абмежаванымі фізычнымі магчымасьцямі. Маніторынг праводзіў у красавіку — жніўні гэтага году Беларускі Хэльсынскі камітэт з удзелам прадстаўнікоў салігорскай філіі «Маладога фронту»[16][17]

Быў кандыдатам па 13-й выбарчай акрузе г.Салігорску на мясцовых выбарах у красавіку 2010 году.[18][19] Згодна з афіцыйнымі вынікамі набраў 28% галасоў выбарцаў [20] 6 ліпеня 2010 году ініцыяваў кампанію «Эўрапейская адукацыя». Асноўная мэтай зьяўлялася далучэньне Беларусі да Балёнскага працэсу.[21] У межах кампаніі былі накіраваны звароты ў Палату прадстаўнікоў [22] 23 ліпеня 2010 году старшыня камісіі палаты прадстаўнікоў па адукацыі, культуры і навукова-тэхнічнаму прагрэсу, спадар Здановіч, спаслаўся на тое, што далучэньне да Балёнскага працэсу зьяўляецца кампэтэнцыяй ураду, не парлямэнту. У цяперашні час завяршаецца работа над Кодэксам аб адукацыі, сьцьвярджаецца ў адказе. У кодэксе маюць быць урэгуляваныя ўзьнятыя кампаніяй пытаньні. Як паведамілі ў Савет Міністраў, зварот накіраваны на разгляд у Міністэрства адукацыі, якое дасьць больш канкрэтны адказ.[22] 24 ліпеня 2010 году прэзыдэнт Беларусі Аляксандр Лукашэнка даручыў міністру адукацыі пачаць працэдуру далучэньня Беларусі да Балёнскага працэсу.[23]

Адзін з ініцыятараў кампаніі супраць вырубкі ляснога масіву «Абаронім лес» ў Салігорску, якая пачалася ў 2010 годзе.[24] У межах ініцыятывы падпісаў адкрыты ліст да кіраўніцтва гораду разам зь іншымі вядомымі асобамі.[25] Прымаў удзел у зборы подпісаў, за што быў аштрафаваны Салігорскім раённым судом, які палічыў гэта ўдзелам у несанкцыянаванай акцыі.[26] Кампанія завяршыся частковай зьменай плянаў мясцовай улады на карысьць патрабаваньняў прадстаўнікоў грамадзкасьці[27].

Крыніцы[рэдагаваць | рэдагаваць крыніцу]

  1. ^ Аляксей Валабуеў
  2. ^ Салігорскія актывісты Алег Борын і Аляксей Валабуеў аштрафаваныя на адну і пяць базавых велічыняў
  3. ^ Севярын Квяткоўскі (15 чэрвеня 2006) Затрыманьні ў Салігорску
  4. ^ У Салігорску актывістаў аштрафавалі і выпусьцілі
  5. ^ Выходныя:Салігорск Праверана 30 лістапада 2014 г. Архіўная копія
  6. ^ Ільлю Шылу папярэдзілі ў школе Праверана 30 лістапада 2014 г.
  7. ^ Улады выкарыстоўваюць тэракт для застрашваньня іншадумцаў. Наша Ніва (8 ліпеня 2008).
  8. ^ Салігорская моладзь заклікае байкатаваць выбары Праверана 30 лістапада 2014 г. Архіўная копія
  9. ^ Конкурс малюнкаў у Салігорску
  10. ^ 27 июля в Солигорске состоялся ежегодный конкурс рисунков мелом, посвященный годовщине подписания декларации Независимости Беларуси(рас.)
  11. ^ КОНКУРС БЕЛАРУСКІХ МАЛЮНКАЎ 2008
  12. ^ Абанэнты беларусізуюць МТС
  13. ^ Маладафронтаўцы спадзяюцца на посьпех
  14. ^ Беларускую кнігу-дзецям!
  15. ^ Стартаваў маратон «Беларускую кнігу — дзецям»
  16. ^ Інвалідам уваходу няма
  17. ^ Прааналізавалі даступнасць аб’ектаў для інвалідаў
  18. ^ Мы абыйшлі кожную кватэру
  19. ^ На выбары дзеля атрыманьня досьведу!
  20. ^ Выбары 2010
  21. ^ Новая кампанія ад МФ:"Эўрапейская адукацыя"
  22. ^ а б Забалонім Беларусь
  23. ^ Лукашэнка даручыў міністру адукацыі пачаць працэдуру далучэння Беларусі да Балонскага працэсу(бел.)
  24. ^ Салігорску стартуе грамадская кампанія «Абаронім лес»(бел.)
  25. ^ Спынім зьнішчэньне салігорскага лесу. Зварот грамадзкасьці
  26. ^ Штрафы за збор подпісаў у абарону леса
  27. ^ Общественность отстояла солигорский лес(рас.)