Алесь Фалей

Зьвесткі зь Вікіпэдыі — вольнай энцыкляпэдыі
Алесь Фалей
Імя пры нараджэньні Аляксандр Аляксандравіч Фалей
Дата нараджэньня 28 студзеня 1959 (65 гадоў)
Месца нараджэньня в. Задзьвея, Баранавіцкі раён, БССР
Адукацыя Віцебскі тэхналягічны інстытут лёгкай прамысловасьці
Месца вучобы
Занятак графіка, жывапіс, кавальства

Але́сь Фале́й (нар. 28 студзеня 1959, в. Задзьвея, Баранавіцкі раён) — беларускі мастак, графік, каваль. Сябра Саюзу мастакоў Беларусі.

Жыцьцяпіс[рэдагаваць | рэдагаваць крыніцу]

У 1992 годзе скончыў Віцебскі тэхналягічны інстытут лёгкай прамысловасьці па спэцыяльнасьці мастацкае праектаваньне вырабаў тэкстыльнай і лёгкай прамысловасьці.

У час вучобы захапіўся жывапісам, потым асвоіў іншыя тэхнікі выяўленчага мастацтва. Працуе ў тэхніцы жывапісу, графікі, скульптуры, ручнога ткацтва, інсталяцыі, арт-аб’екту, мастацкага каваньня і інш. З 1986 году ўдзельнічаў у больш за 90 выставах, 15 зь якіх былі пэрсанальнымі.

Першая пэрсанальная выстава адбылася ў 1992 годзе ў Баранавічах. Выставы мастака праходзілі ў розных гарадах Беларусі, Расеі, а таксама ў Польшчы, Нямеччыне, Саудаўскай Арабіі, Францыі, Летуве, Шатляндыі, Ірляндыі, Аўстрыі.

Аляксандар Аляксандравіч зьяўляецца ляўрэатам конкурсу «Art-Mark», першай выставы візуальных мастацтваў у Віцебску (1992). Удзельнічаў у пленэры, прысьвечаным памяці мастака Мікалая Селешчука (Берасьце, 2002), у міжнародным фэсьце брутальнага мастацтва «Барэй» (Санкт-Пецярбург, 2003), у нацыянальным пленэры, прысьвечаным 200-годзьдзю з дня нараджэньня Напалеона Орды (Іванаўскі р-н, 2006).

Алесь Фалей — сябра творчага аб’яднаньня «Аршыца» (1991), сябра Беларускага саюза мастакоў з 1999 году. У 2004 годзе быў прыняты ў чальцы Міжнароднай акадэміі графікі (Санкт-Пецярбург).

На міжнароднай біенале графікі (Манэж, Санкт-Пецярбург, 2004) Аляксандар Фалей атрымаў першую прэмію і мэдаль у намінацыі «Станковая графіка». У 2006 годзе на XIV Міжнародным фэсьце мастацтваў «Майстар Кляс» яму было прысвоена званьне Майстра.

У 2014 годзе мастак паўтара месяца правёў у горадзе Чанчунь у Кітаі, дзе на міжнародным сымпозіюме выканаў з мэталю трохмэтровую скульптуру коніка, якая ўсталявана ў адным з гарадзкіх паркаў Чаньчуня[1]. У лютым 2016 Фалей стварыў у Каіры дзьве скульптуры з мэталялому[2].

Работы мастака знаходзяцца ў дзяржаўных музэях Беларусі (Менск, Берасьце, Орша, Баранавічы), у музэі Марка Шагала ў Віцебску, у музэі «Эрарта» ў Санкт-Пецярбургу, унівэрсытэце візуальных мастацтваў (г. Корк, Ірляндыя), прыватных калекцыях у Расеі, ЗША, Францыі, Нямеччыны, Шатляндыі, Фінляндыі, Турцыі, Канады, Ізраіля, Літвы.

Жыве ў г. Баранавічы. Займаецца жывапісам і графікай, а таксама мастацкім кавальствам у суполцы «Каваль» разам з Іванам Квятко і Сяргеем Сяргейчыкам.

Узнагароды і званьні[рэдагаваць | рэдагаваць крыніцу]

  • 1991 — Сябра творчага аб’яднаньня «Аршыца»
  • 1992 — Ляўрэат конкурсу «Art-mark», г. Віцебск, Беларусь.
  • 1999 — Сябра саюза мастакоў Беларусі.
  • 2003 — Сябра Міжнароднага мастацкага аб’яднаньня «Майстар».
  • 2004 — Сябра Міжнароднай акадэміі графікі, г. Санкт-Пецярбург, Расея.
  • 2004 — 2-е Міжнароднае біенале графікі, ЦВЗ «Манеж», г. Санкт-Пецярбург, Расея. Першая прэмія і мэдаль у намінацыі «станковая графіка».
  • 2006 — «Майстар-кляс», г. Санкт-Пецярбург, Расея. Нададзена званьне «Майстар».

Крыніцы[рэдагаваць | рэдагаваць крыніцу]

  1. ^ Баранавіцкі мастак на сімпозіуме скульптуры ў Кітаі стварыў коніка і камара, Intex-press, 11 верасьня 2014
  2. ^ У Егіпце баранавіцкі мастак Алесь Фалей стварыў дзве скульптуры з металалому, Intex-press, 4 сакавіка 2016

Літаратура[рэдагаваць | рэдагаваць крыніцу]

  • Аляксандр Фалей: ["Яны ідуць"] // Мастакі Брэстчыны : альбом-каталог. Брэст : Брэсцкая друкарня, 2010. С. 130—131.
  • Фалей Александр Александрович // Регионы Беларуси: энциклопедия : в 7 т. Т. 1. Брестская область: в 2 кн. Минск: БелЭн, 2009. Кн. 2.С. 430.
  • Александр Фалей: ["Красная дорога"] //Художники Брестчины : альбом-каталог. Минск : А. Климов, 2002. С. 124—125.
  • Валасюк, Л. Паміж небам і зямлёю… мастакоўскі дух : [аб выставе А. Фалея да 50-годдзя мастака ў выставачнай зале Брэсцкага АГКЦ] / Леанід Валасюк // Народная трыбуна. 2009. 28 лют. (№ 9). С. 10.
  • Микрюков, А. Мир + он = Мирон : [об открытии выставки А. Фалея «Между небом и землёй» в выставочном зале ОКЦ] / Александр Микрюков // Брестский курьер. 2009. 26 лютага. (№ 9). С. 9.
  • Фалей, А. «Мару стварыць работу сусветнага масштабу» / Алесь Фалей; гутарыў Р. Гарбачоў // Intex-press, 2009. 5 лютага. С. 12.
  • Аляксей Белы. Алесь Фалей прызнаны майстрам і ў Піцеры / Аляксей Белы // Intex-press 2006. 13 ліпеня. С. 4.
  • Літоўчык, А. Там, дзе жыў Шагал… : [аб адкрыцці выставы графікі А. Фалея ў Арт-цэнтры пры музеі Марка Шагала ў Віцебску] / Алесь Літоўчык // Intex-press, 2006. 16 лютага С. 4.
  • Белы, А. Ураджайны сакавік : [аб выставах А. Фалея ў Аўстрыі, Расіі і Францыі] / Аляксей Белы // Intex-press, 2005. 10 сакавіка, С. 4.
  • Белы, А. Еднасць душ і мастацтва памкненняў : [аб выставе Антаніны, Генадзя і Алеся Фалеяў у Музеі сучаснага выяўленчага мастацтва (Менск)] Intex-press 2003. 17 красавіка, С. 4.
  • Загадская, Г. Работы его необычны : [о выставке А. Фалея в выставочном зале Барановичского краеведческого музея] / Г. Загадская //Intex-press, 2000. 20 красавіка, С. 2.

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Алесь_Фалей&oldid=2447257»