Алан Флаўэрз

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Доктар

Алан Флаўэрз
Alan Flowers 2021.jpg
Дата нараджэньня 3 траўня 1953 г.
Месца нараджэньня Лівэрпул, Вялікабрытанія
Грамадзянства Вялікабрытанія
Месца вучобы Эдынбурскі ўнівэрсытэт
Прафэсіі навуковец
Навуковая сфэра наступствы аварыі на Чарнобыльскай АЭС

Доктар Алан Флаўэрз (па-ангельску: Alan Flowers; нар. 3 траўня 1953 г.) - брытанскі вучоны, які вывучае наступствы ядзернай катастрофы на Чарнобыльскай АЭС, абаронца навакольнага асяроддзя і правоў чалавека, папулярызатар беларускай культуры ў Вялікабрытаніі і старшыня Ангельска-беларускага таварыства.

Раньнія гады і акадэмічная кар'ера[рэдагаваць | рэдагаваць крыніцу]

Флаўэрз нарадзіўся ў Лівэрпулі ў шкоцкай сям’і, але ў дзяцінстве пераехаў у Эдынбург. Вучыўся ва Эдынбурскім унівэрсытэце, дзе ў 1980 годзе атрымаў доктарскую ступень. З 1985 г. і да выхаду на пэнсію ў 2017 г. Флаўэрз працаваў у Лёнданскім унівэрсытэце Кінгстана на розных пасадах.[1][2]

Флаўэрз прысьвяціў значную частку сваёй акадэмічнай кар'еры адукацыйным ініцыятывам і навукова-дасьледчым праектам па вывучэньню шырокага ўзьдзеяньня выбуху на Чарнобыльскай АЭС у 1986 годзе, найгоршай ядзернай аварыі ў гісторыі чалавецтва. Некалькі гадоў пасьля катастрофы ён супрацоўнічаў з навукоўцамі Беларусі, а пазьней - з экспэртамі з Украіны.[2][3]

З 1992 па 2004 гады Флаўэрз кіраваў акадэмічным супрацоўніцтвам паміж Лёнданскім унівэрсытэтам Кінгстана і Міжнародным дзяржаўным экалягічным унівэрсытэтам імя А. Дз. Сахарава (на момант супрацоўніцтва ўнівэрсытэт меў розныя назвы). У 2002 годзе гэты ўнівэрсытэт прысвоіў яму ганаровую ступень доктара радыёэкалогіі.[4]

Актывізм і папулярызацыя беларускай культуры[рэдагаваць | рэдагаваць крыніцу]

Флаўэрз быў «пазнаёмлены з Беларусьсю, беларусамі Брытаніі і Ангельска-беларускім таварыствам Верай Рыч у 1992 годзе ў сувязі з яго акадэмічнымі інтарэсамі ў Чарнобылі.[4]

У 1998 годзе ён заснаваў беларускае аддзяленьне агульнаэўрапейскай моладзевай няўрадавай арганізацыі "Эўрапейскі моладзевы палямэнт" (EYP) і садзейнічаў правядзеньню парлямэнцкіх дэбатаў па асьветніцкай дзейнасьці з тых часоў да 2014 года.[4]

З 1995 года ён садзейнічаў шматлікім культурным візытам у Вялікабрытанію беларускіх тэатраў, мастакоў і музыкаў, галоўным чынам на некалькі Эдынбургскіх фэстываляў.[4]

У 2004 годзе Флаўэрз быў унесены ў "сьпіс забароненых асобаў" КДБ Беларусі, і яму быў забаронены ўезд у краіну. Хоць афіцыйных тлумачэньняў не было прадстаўлена, лічылася, што дэпартацыя была выкліканая яго кантактамі з няўрадавымі групамі ў Беларусі і расьсьледаваньнем сьцьвярджэньняў "высокай верагоднасьці", што ўрад Савецкага Саюза наўмысна рассейваў радыеактыўныя аблокі, каб прымусіць іх ісьці дажджом на Паўднёва-Усходняй Беларусі ў 1986 г.[5][6][7][8][9]

Флаўэрз зьяўляецца цяперашнім старшынём Ангельска-беларускага таварыства і актыўна падтрымлівае беларускія пратэсты 2020-2021 гадоў.[4][10][11][12]

Крыніцы[рэдагаваць | рэдагаваць крыніцу]

  1. ^ Алан Джордж Флаўэрз
  2. ^ а б Chernobyl 30 years on: Kingston University radiation expert Dr Alan Flowers reflects on impact of worst nuclear accident in history [Чарнобыль праз 30 гадоў: экспэрт па радыяцыі Кінгстанскага універсітэта д-р Алан Флаўэрз разважае пра ўплыў найгоршай ядзернай аварыі ў гісторыі], 28 красавіка 2016
  3. ^ Chernobyl 31 years on: Opinion – Chernobyl changed many lives [Чарнобыль праз 31 год: Меркаваньне  - Чарнобыль зьмяніў шмат жыцьцяў], 27 красавіка 2017
  4. ^ а б в г д People | Anglo-Belarusian Society, Людзі | Ангельскаа-беларускае таварыства
  5. ^ British Chernobyl scientist expelled by Belarus KGB [Брытанскі чарнобыльскі вучоны высланы КДБ Беларусі], 9 жніўня 2004
  6. ^ Belarus deports Chernobyl expert [Беларусь дэпартуе экспэрта па Чарнобылю], 31 ліпеня 2004
  7. ^ З Беларусі дэпартаваны брытанскі прафесар Алан Флаўэрз, Праваабарончы цэнтар "Вясна", 02 жніўня 2004
  8. ^ Dr Alan Flowers [Доктар Алан Флаўэрз], 10 жніўня 2004
  9. ^ КГБ Беларусі не тлумачыць прычыны дэпартацыі брытанскага прафэсара, Радыё Свабодная Эўропа/Радыё Свабода, 2 жніўня 2004
  10. ^ Mikalaj Packajeu, Alan Flowers. The end of ‘the last dictatorship in Europe’? [Мікалай Пачкаеў, Алан Флаўэрз. Канец "апошняй дыктатуры ў Эўропе"?], 2 студзеня 2021
  11. ^ Белорусы прошли маршем от Вестминстера до Кенсингтона и устроили митинг у посольства [Беларусы прайшлі маршам з Вэстмінстэра ў Кенсінгтан і правялі мітынг каля амбасады], 13 жніўня 2020
  12. ^ Беларусы ў Лондане ўтварылі кіламетровы ланцуг салідарнасці, 12 ліпеня 2020