Ільля Маталыга
| Ільля Маталыга | ||
| Пэрсанальная інфармацыя | ||
|---|---|---|
| Нарадзіўся | 5 траўня 1984[1] (41 год) | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2005—2008 | Белшына | 67 (0) |
| 2009—2010 | Дняпро Магілёў | 0 (0) |
| 2011—2012 | Славацка | 2 (0) |
| 2013 | Смаргонь | 4 (0) |
| 2013 | Гарадзея | 7 (0) |
| 2014 | Жлобін | 24 (0) |
| 2015 | Белшына | 0 (0) |
| 2017—2018 | Белшына | 7 (0) |
| 2019 | Спадарожнік | 7 (0) |
| 2020—2021 | Ворша | 43 (0) |
| 2022 | Вялес-2020[d] | 19 (0) |
Ільля́ Маталы́га (нар. 5 траўня 1984 году) — колішні беларускі футбаліст, брамнік.
Кар’ера
[рэдагаваць | рэдагаваць крыніцу]Выхаванец ДЮСШ Бабруйску. Першым трэнэрам быў Валеры Канапака. Затым выступаў у клюбах «Старыя Дарогі» і «Граніт». У 2005 годзе далучыўся да бабруйскай «Белшыны». У дэбютным сэзоне стаў пераможцам Першай лігі. У 2006 годзе выступаў у складзе бабруйчанаў у Найвышэйшай лізе, аднак паводле вынікаў сэзону клюб заняў апошні радок і вярнуўся ў другі дывізіён. За чатыры сэзоны ў клюбе правёў 67 матчаў у чэмпіянатах. Затым у студзені 2009 году перайшоў у магілёўскае «Дняпро», дзе выступаў за дублюючы склад. Згуляў за клюб адзіны матч у Кубку Беларусі.
У 2011 годзе стаў гульцом чэскага клюбу «Славацка»[2]. Перад гэтым футбаліст плянаваў далучыцца да славацкага «Зэмпліну», аднак гульца зьбянтэжыла ліга і заробак. Дэбютаваў за клюб 3 красавіка 2011 году ў матчы супраць «Дынама». За тры сэзоны ў клюбе выйшаў зьявіўся на полі толькі двойчы. У 2013 годзе вярнуўся ў Беларусь, далучыўшыся да «Смаргоні». Дэбютаваў за клюб 20 красавіка 2013 году ў матчы супраць «Гарадзеі». Потым у жніўні 2013 году перайшоў у «Гарадзею». Дэбютаваў за клюб 7 верасьня 2013 году ў матчы супраць «Менску-2». Стаў з клюбам срэбным прызэрам Першай лігі. Сэзон 2014 году правёў у клюбе «Жлобін» з Другой лігі. У 2015 годзе вярнуўся ў бабруйскую «Белшыну»[3]. Па вяртаньні ў каманду Маталыгу бракавала гульнёвай практыкі і пасьля заканчэньня сэзону ён стаў вольным агентам. У 2017 годзе зноў вярнуўся ў клюб[4]. Цягам сэзону ня быў асноўным брамнікам клюбу, але ў студзені 2018 году працягнуў кантракт з клюбам[5]. Затым пасьля заканчэньня сэзону пакінуў «Белшыну».
У студзені 2019 году стаў гульцом рэчыцкага «Спадарожніка»[6]. Выступаў у клюбе ў ролі запаснога брамніка. Дэбютны матч згуляў 12 чэрвеня 2019 году ў Кубку Беларусі супраць «Вікторыі». У матчах чэмпіянату ў складзе клюбу ўпершыню згуляў 31 жніўня 2019 году супраць гомельскага «Лякаматыва». Пасьля заканчэньня сэзону пакінуў клюб. У лютым 2020 году далучыўся да «Воршы», у складзе якой дэбютаваў 18 красавіка 2020 году ў матчы супраць «Ліды». Быў асноўным брамнікам каманды, працягваючы выступы ў сэзоне 2021 году[7]. За два сэзоны бараніў браму ў 45 матчах, вызначыўшыся 10 «сухімі» матчамі.
У 2022 годзе прыяднаўся да віцебскага «Вялесу-2020», дзе быў асноўным брамнікам. Поруч з камандай выйграўшы групавы этап віцебскага рэгіёну Другой лігі, тым самым трапіўшы ў раунд плэй-оф[8]. У кастрычніку 2022 году пакінуў клюб, пасьля чаго зьявілася інфармацыя, што брамнік папоўніў шэрагі польскага клюбу «Палёнія»[9], але гэтая заява была абвергнутая[10].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Белшына | 2017 | Першая ліга | 6 | –4 |
| 2018 | Першая ліга | 1 | –0 | |
Крыніцы
[рэдагаваць | рэдагаваць крыніцу]- ^ а б в Ilya Matalyha // FBref (мн.)
- ^ «Новое имя. Илья Моталыго: помог случай» (рас.). «Прессбол».
- ^ Бюджет-2015: минус девять миллионов (рас.)
- ^ Турлин и Моталыго подписали контракты с «Белшиной» (рас.)
- ^ «Верас и Моталыго продлили трудовые отношения с ФК „Белшина“». Bobr.by.
- ^ Первая лига. Анонс сезона. Желающих много. Путевок — две с половиной (рас.)
- ^ «От „Белшины“ до „Барановичей“. Заявки команд первой лиги». Football.by.
- ^ «Всё смешалось — восток и запад, город и деревня, профессионалы и любители. Кто сразится в 1/8 финала Д3?» Football.by
- ^ «Самые известные белорусы, не так давно уехавшие покорять польский „минор“». Football.by.
- ^ «Футбол. Скандал вокруг „Велеса-2020“: клуб объявил о переходе вратаря в польский Д4, где ничего о нем не слышали». «Прессбол».
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Нарадзіліся 5 траўня
- Нарадзіліся ў 1984 годзе
- Нарадзіліся ў Бабруйску
- Футбалісты клюбу «Белшына» Бабруйск
- Футбалісты клюбу «Дняпро» Магілёў
- Футбалісты клюбу «Славацка» Угерске-Градышцэ
- Футбалісты клюбу «Смаргонь»
- Футбалісты клюбу «Гарадзея»
- Футбалісты клюбу «Жлобін»
- Футбалісты клюбу «Спадарожнік» Рэчыца
- Футбалісты клюбу «Ворша»
- Футбалісты клюбу «Вялес-2020» Віцебск
- Беларускія футбалісты