Іван Бамбіза

	Іван Бамбіза
Намесьнік прэм’ер-міністра Рэспублікі Беларусь
	25 траўня 2004 — 28 сьнежня 2010
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Асабістыя зьвесткі
Нарадзіўся:	8 кастрычніка 1952; в. Ляскавічы Петрыкаўскага раёну Гомельскай вобласьці, БССР
Адукацыя:	Аграмеханічны факультэт БДАТУ[d] (1975); Менская вышэйшая партыйная школа;
Узнагароды:	Ордэн Айчыны 3 ступені (Беларусь)

Іван Міхайлавіч Бамбіза (нарадзіўся 8 кастрычніка 1952, в. Ляскавічы Петрыкаўскага раёну Гомельскай вобласьці, Беларуская ССР) — беларускі дзяржаўны дзяяч, старшыня назіральнае рады ААТ «Белаграпрамбанк».

Біяграфія

Нарадзіўся ў вёсцы Ляскавічы Петрыкаўскага раёну Гомельскай вобласьці ў 1952 годзе.

У 1975 годзе скончыў Беларускі інстытут мэханізацыі сельскай гаспадаркі, факультэт мэханізацыі сельскай гаспадаркі.

У 1975—1977 гг. — галоўны інжынэр племсаўгасу імя Някрасава (Гомельскі раён)
1977—1985 гг. — галоўны інжынэр саўгасу «Брынёва», дырэктар саўгасу «Галубіцкі» (Петрыкаўскі раён Гомельскай вобласьці)
1985—1987 гг. — начальнік упраўленьня сельскай гаспадаркі, першы намесьнік старшыні Петрыкаўскага райвыканкаму, старшыня Петрыкаўскага раённага аграпрамысловага аб’яднаньня Гомельскай вобласьці
1987—1991 гг. — старшыня Рэчыцкага райвыканкаму, старшыня Рэчыцкага раённага Савету народных дэпутатаў Гомельскай вобласьці
у 1989 годзе скончыў Менскую вышэйшую партыйную школу
У 1990 годзе абраны ў дэпутаты Вярхоўнага Савету БССР XII скліканьня па Васілевіцкай выбарчай акрузе № 228
1991—1995 гг. — сакратар Плянавай і бюджэтна-фінансавай камісіі Вярхоўнага Савету Рэспублікі Беларусь XII скліканьня
З 22 лютага 1994 году — намесьнік Старшыні Вярхоўнага Савету Рэспублікі Беларусь
У траўні 1994 году ўведзены ў склад Праўленьня Нацыянальнага банку Беларусі
1995—1997 гг. — Міністар па справах Садружнасьці Незалежных Дзяржаваў, г. Менск
1997—2004 гг. — прэзыдэнт, старшыня Беларускага дзяржаўнага канцэрну па нафце і хіміі «Белнафтахім»
2004—2010 — намесьнік Прэм’ер-міністра Рэспублікі Беларусь.

Узнагароды

У лістападзе 2002 году ўзнагароджаны ордэнам Айчыны III ступені.

Сям’я

Жанаты. Мае двох дзяцей, трэці сын Аляксандар загінуў 9 студзеня 2002 году ва ўзросьце 25 гадоў^[1].

Крыніцы

^ Бамбиза Иван Михайлович (рас.). «Хто ёсьць хто ў Рэспубліцы Беларусь». Праверана 9 верасьня 2010 г.

Вонкавыя спасылкі

Старонка на праекце «Хто ёсьць хто ў Рэспубліцы Беларусь» (рас.)

[2hoiswho-1] Бамбиза Иван Михайлович (рас.). «Хто ёсьць хто ў Рэспубліцы Беларусь». Праверана 9 верасьня 2010 г.

[1]