Ёсіф Жылінскі

Ёсіф Жылінскі
	Ёсіф Жылінскі
Дата нараджэньня	20 красавіка 1834
Месца нараджэньня	Трокі, Віленская губэрня, Расейская імпэрыя;
Дата сьмерці	1916
Месца вучобы	Пецярбурскі дзяржаўны ўнівэрсытэт шляхоў зносін[d]; Корпус інжынэраў шляхоў зносін[d]; Акадэмія Генэральнага штабу[d];
Занятак	навуковец
Узнагароды

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Жылінскі.

Ёсіп Жылінскі (20 красавіка 1834, Трокі — 1916) — геадэзіст, генэрал ад інфантэрыі ў Расейскай імпэрыі.

Навуковая дзейнасьць

У 1840-я гады яго бацька, Гіпаліт Жылінскі (1800—1882), набыў на Ашмяншчыне маёнтак Дакурнішкі. Скончыў Пецярбурскі інстытут інжынэраў шляхоў зносін у 1854 годзе.

У 1860 годзе камандзіраваны ў Менскую і Магілёўскую губэрні на трыянгуляцыйныя працы.

У 1863—1873 кіраваў градусным вымярэньнем дугі паралелі 52° шыраты (на Беларусі гэта прыблізна па лініі Берасьце — Пінск — Мазыр — Гомель). У 1881—1893 пачатак трыянгуляцыі заходняй тэрыторыі Расейскай імпэрыі.

У 1873—1898 гадах узначальваў Заходнюю экспэдыцыю па асушэньні балот Палесься. Работы па асушэньню Палесься пачаліся пад яго кіраўніцтвам ў 1874 годзе і працягваліся каля 20 гадоў. Больш за 2,5 млн. дзесяцін (2,73 млн.га.) балот былі ператвораны ў культурныя зямлі, было пабудавана 4367 вёрст каналаў, 549 мастоў, 30 шлюзаў. На ўсё гэта сышло за 2,8 млн рублёў.

Пазьней займаўся асушэньнем забалочаных зямель Маскоўскай, Разанскай, Уладзімерскай губэрняў Расеі.

Удзельнічаў у астранома-геадэзічных работах за граніцай.