Сьвінавод
| Сьвінавод | |
| Агульныя зьвесткі | |
|---|---|
| Выток | каля в. Данілевічы |
| Вусьце | Прыпяць |
| Краіны басэйну | Беларусь |
| Вобласьці | Гомельская вобласьць |
| Даўжыня | 46 км |
| Сярэднегадавы сьцёк | 2 м³/с |
| Плошча басэйну | 511 км² |
| Нахіл воднай паверхні | 0,8 ‰ |
Сьвінаво́д — рака ў Лельчыцкім і Жыткавіцкім раёнах Гомельскай вобласьці, правы прыток ракі Прыпяці (басэйн Дняпра). Даўжыня 46 км. Плошча вадазбору 511 км². Выдатак вады ў вусьці 2 м³/с. Сярэдні нахіл воднай паверхні 0,8‰.
Асноўны прыток — рака Мутнянка (леваруч).
Пачынаецца за 4 км на поўнач ад вёскі Данілевічы Лельчыцкага раёну, вусьце за 1 км на поўнач ад вёскі Перароўскі Млынок Жыткавіцкага раёну. У нізкай плыні большую частку сьцёку перахоплівае Крушынная канава. Рака цячэ ўсходняй часткай нізіны Прыпяцкае Палесьсе, лясістай забалочанай мясцовасьцю.
Даліна ў вярхоўі месцамі трапэцападобная, вузкая, у сярэдняй і нізкай плыні невыразная, зьліваецца з прылеглай мясцовасьцю. Абалона ў высокай плыні перарывістая, чаргуецца па берагах, у сярэдняй плыні шырыня 0,3—0,8 км, у нізкай — зьліваецца з абалонай Прыпяці. Рэчышча зьвілістае, шырыня 1—6 м[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 324
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 324