Мэджугор’е

	Мэджугор'е
	бас. Međugorje
Краіна:	Босьнія і Герцагавіна
Кантон:	Герцагавіна-Нярэтванск
Плошча:	11,83 км²
Вышыня:	158–165 м н. у. м.
Насельніцтва (2013)
колькасьць:	2265 чал.
шчыльнасьць:	191,46 чал./км²
Тэлефонны код:	036
Паштовы індэкс:	88 266
Геаграфічныя каардынаты:	43°11′24.58″ пн. ш. 17°40′40.30″ у. д. / 43.1901611° пн. ш. 17.6778611° у. д.Каардынаты: 43°11′24.58″ пн. ш. 17°40′40.30″ у. д. / 43.1901611° пн. ш. 17.6778611° у. д.
	Мэджугор'е на мапе Босьніі і Герцагавіны Мэджугор'е
	Галерэя здымкаў у Вікісховішчы
	http://www.medjugorje.hr

Мэджугор’е (па-басьнійску: Međugorje) — мястэчка ў Босьніі і Герцагавіне, у Герцагавіна-Нярэтванскім кантоне, у грамадзе Чытлук з пераважна харвацкім насельніцтвам каталіцкай канфэсіі. Цэнтар штогадовага паломніцтва да 1 мільёна хрысьціян розных канфэсій з усяго сьвету. Праславілася ў другой палове XX стагодзьдзя праз, зьяўленьне тут Панны Марыі. Гэта зьяўленьне пакуль афіцыйна не прызнаныя каталіцкай царквой, але і не адкінутая.

Паходжаньне назвы

Этымалёгія тапоніма на харвацкай мове празрыстая — «месца паміж гарамі».

Дэмаграфія

Паводле перапісу насельніцтва ў Босьніі і Герцагавіне ў 2013 годзе ў населеным пункце пражывала 2265 жыхароў, у тым ліку 2232 харвата, 11 альбанцаў, 4 басьнійцы і 3 сэрбы. 11 чалавек пазначылі іншую нацыянальнасьць, 2 — не заявілі пра сваю нацыянальнасьць і 2 чалавекі паведамілі аб невядомай нацыянальнасьці^[1].

Аб’яўленьне

Упершыню аб Мэджугор’і стала шырока вядома напачатку 1980-х гадоў. 24 чэрвеня 1981 году 6 мясцовых маладых людзей, чатыры дзяўчыны і два хлопцы, заявілі пра тое, што ім аб’явілася Панна Марыя — Маці Езуса Хрыста, якая прадставілася, як «Валадарка Супакою». Паводле сьведкаў, гэтыя аб’яўленьні працягваюцца да сёньняшняга дня. У іх Панна Марыя перадае кароткія пасланьні — яна заклікае вернікаў да навяртаньня, малітвы і міру.

Каталіцкі Касьцёл у сваёй афіцыйнай пазыцыі адносна падзей у Мэджугор’і (Заява Канфэрэнцыі Эпіскапатаў былой Югаславіі ад 1991 г.) пакуль што адмаўляецца ад канчатковага меркаваньня аб аб’яўленьнях — пакуль не прызнае іх праўдай і не адмаўляе іх як ілжывыя. Расьсьледаваньнем аб’яўленьняў займалася адмысловая камісія, прызначаная папам Бэнэдыктам XVI у 2010 годзе. Паколькі зьяўленьні яшчэ не спыніліся (хоць іх частата значна зьменшылася), гэтыя зьявы не могуць быць афіцыйна прызнаныя. Папа Францішак накіраваў у Мэджугор’е свайго нунцыя арцыбіскупа Генрыка Хосера. На падставе падрыхтаванага ім дакладу Папа ў траўні 2019 году даў згоду на арганізацыю афіцыйных пілігрымак да месца аб’яўленьняў, нягледзячы на свае сумненьні.

Крыніцы

^ 2.2. Stanovništvo prema etničkoj/nacionalnoj pripadnosti i spolu, po naseljenim mjestima

Літаратура

ks. Maciej Arkuszyński, Wzór życia chrześcijańskiego w objawieniach z Medziugoria (1981—2008), Варшава 2008 (praca doktorska obroniona na Papieskim Wydziale Teologicznym).
Orędzia Matki Bożej z Medziugorja, zebr. i oprac. Jerzy Gwiazda, Варшава 2012, Fundacja Matki Bożej Królowej Pokoju z Medziugorja.
Pietro Zorza, Drogie dzieci, dziękuję wam, że odpowiedzieliście na moje wezwanie, Кракаў 2006, Wydawnictwo «Królowa Pokoju».
Svetozar Kraljević The Apparitions of Our Lady of Medjugorje, Мэджугор’е 2007, Informativni Centar «MIR» Medjugorje.

Вонкавыя спасылкі

Элізабэта Кастанья пра стварэнне фільма «Таямніцы Меджугор’я», catholic.by, 09.09.2011
- праўдзівая ці фальшывая святыня?(недаступная спасылка)
Афіцыйная старонка парафіі Мэджугор’я
Тэлевізія Мэджугор’я

[1] 2.2. Stanovništvo prema etničkoj/nacionalnoj pripadnosti i spolu, po naseljenim mjestima

[1]