Матэвуш Маравецкі

Матэвуш Маравецкі
польск. Mateusz Morawiecki
Матэвуш Маравецкі ў 2016
Прэм’ер-міністар Польшчы
11 сьнежня 2017 — 13 сьнежня 2023
Прэзыдэнт:	Анджэй Дуда
Папярэднік:	Бэата Шыдла
Наступнік:	Дональд Туск
Асабістыя зьвесткі
Нарадзіўся:	20 чэрвеня 1968(1968-06-20)[…] (56 гадоў) Уроцлаў, Польская Народная Рэспубліка
Партыя:	Права і справядлівасьць
Сужэнец:	Івона Маравецкая[d]
Дзеці:	Аляксандра Маравецкая[d], Іерамія Маравецкі[d], Магдалена Маравецкая[d] і Ігнацы Маравецкі[d]
Бацька:	Корнэль Маравецкі[d]
Адукацыя:	Уроцлаўскі ўнівэрсытэт (1992) Базэльскі ўнівэрсытэт[d] Гамбурскі ўнівэрсытэт Вроцлаўская палітэхніка[d] IX Liceum Ogólnokształcące im. Juliusza Słowackiego we Wrocławiu[d] (1987) Уроцлаўскі эканамічны ўнівэрсытэт[d]
Узнагароды:	Чалавек году тыднёвіка „Wprost“[d] (2018)
Матэвуш Маравецкі ў Вікісховішчы

Матэ́вуш Яку́б Мараве́цкі (польск. Mateusz Jakub Morawiecki; нар. 20 чэрвеня 1968, Уроцлаў) — польскі дзяржаўны дзеяч, віцэ-прэм’ер ураду, міністар разьвіцьця і фінансаў. Прэм’ер-міністар Польшчы з 11 сьнежня 2017 году да 13 сьнежня 2023 году.

Жыцьцяпіс

Сын лідэра «Салідарнасьці» Карнэля Маравецкага.

Скончыў гістарычны факультэт Уроцлаўскага ўнівэрсытэту (1992). Вывучаў бізнэс-адміністраваньне ва Ўроцлаўскім політэхнічным інстытуце (1993) і адначасова ва Ўнівэрсытэце Цэнтральнага Канэктыкуту. Атрымаў дыплём MBA ў Эканамічнай акадэміі ва Ўроцлаве (1995). У 1995—1997 гадах вывучаў права і пытаньні эканамічнай інтэграцыі ў Гамбурскім унівэрсытэце. Прайшоў курс у школе мэнэджмэнту імя Келага ў Паўночна-заходнім унівэрсытэце ў ЗША.

У 1996—2004 гадах выкладаў ва Ўроцлаўскай эканамічнай акадэміі, у 1996—1998 гадах ва Ўроцлаўскім політэхнічным інстытуце.

З 1998 году займаў пасады ў кіраўніцтве банка BZ WBK, у 2007—2015 гадах быў яго прэзыдэнтам.

Палітыка

У 1998—2002 гадах — дэпутат рэгіянальнай рады Ніжнесылескага ваяводзтва ад Выбарчай акцыі Салідарнасьці.

У 2015 годзе прызначаны віцэ-прэм’ерам і міністрам разьвіцьця ва ўрадзе Бэаты Шыдла. У сакавіка 2016 году ўступіў у партыю «Права і справядлівасьць», да гэтага быў беспартыйным чальцом ураду. Зь верасьня 2016 году — міністар разьвіцьця і фінансаў.

Пасьля адстаўкі Шыдла з пасады прэм’ер-міністра 7 сьнежня 2017 году вылучаны партыяй «Права і справядлівасьць» на пасаду кіраўніка ўрада Польшчы.