Кляўдыё Гуджэроцьці

Кляўдыё Гуджэроцьці
per orientalem viam
Апостальскі нунцый у Вялікабрытаніі
4 ліпеня 2020 — цяперашні час
Папярэднік:	Эдвард Джозэф Адамс
Апостальскі нунцый ва Ўкраіне
13 ліпеня 2015 — 4 ліпеня 2020
Апостальскі нунцый у Азэрбайджане, Армэніі і Грузіі
2001 — 2011
Папярэднік:	Пэтэр Штэфан Цыбрыген
Апостальскі нунцый у Беларусі
15 ліпеня 2011 — 13 ліпеня 2015
Папярэднік:	Марцін Відавіч
Наступнік:	Габар Пінтэр
Асабістыя зьвесткі
Нарадзіўся:	7 кастрычніка 1955 (69 гадоў) Вэрона
Узнагароды:	Ордэн Францішка Скарыны Ордэн «За заслугі» III ступені
Кляўдыё Гуджэроцьці ў Вікісховішчы

Кля́ўдыё Гуджэро́цьці (7 кастрычніка 1955, Вэрона, Італія) — рыма-каталіцкі сьвятар, дыплямат.

Жыцьцяпіс

Нарадзіўся 7 кастрычніка 1955 году ў Вэроне (Італія). Скончыў факультэт усходніх моваў і літаратуры пры Вэнэцыянскім дзяржаўным унівэрсытэце «Cà Foscari», атрымаў вучоную ступень магістра навукі сьвятой літургіі пры Папскім літургічным інстытуце сьв. Анзэльма ў Рыме.

Сьвятарскае пасьвячэньне атрымаў 29 траўня 1982 году.

Выкладаў у Тэалягічным коледжы сьвятога Зянона, Інстытуце экумэнічных студыяў «Сан-Бэрнардына», унівэрсытэтах Вэнэцыі, Падуі і Рыму, Папскага Грыгарыянскага ўнівэрсытэту і Папскага ўсходняга інстытуту. Аўтар некалькіх кнігаў і дасьледаваньняў па ўсходняй хрысьціянскай традыцыі, асабліва армянскай, і літургіі.

У 1985 годзе паступіў на служэньне ў Апостальскую Сталіцу ў Кангрэгацыю па справах усходніх Касьцёлаў, быў сакратаром кардынала Акіле Сыльвэстрыні.

7 сьнежня 2001 году прызначаны Апостальскім нунцыем у Армэніі і Грузіі, узьведзены ў званьне тытулярнага біскупа Равэльлё. 13 сьнежня 2001 прызначаны таксама Апостальскім нунцыем у Азэрбайджане.

6 студзеня 2002 году ў Базыліцы Сьвятога Пятра ў Ватыкане атрымаў біскупскую сакру. Галоўным кансэкратарам быў папа Ян Павал II.

15 ліпеня 2011 году прызначаны Апостальскім нунцыем у Беларусі. 13 ліпеня 2015 прызначаны Апостальскім нунцыем ва Ўкраіне. 4 ліпеня 2020 прызначаны Апостальскім нунцыем у Вялікабрытаніі.

Узнагароды

• Ордэн Гонару (Грузія)
• Мэдаль Маўзэса Харэнацы (Армэнія)
• Ордэн сьвятога Нэрсэса Міласьцівага (Армянская апостальская царква)
• Залаты мэдаль сьвятога Барталямэя (Расейская праваслаўная царква)

Вонкавыя спасылкі

• Каталіцкая герархія (анг.)
• Апостальскі Нунцый ў Беларусі арцыбіскуп Клаўдыё Гуджэроцці

Папярэднік Марцін Відавіч

Апостальскі нунцый у Беларусі 15 ліпеня 2011 — 13 ліпеня 2015

Наступнік Габар Пінтэр