Вітаўт Рамук

Вітаўт Рамук
Дата нараджэньня	15 ліпеня 1914(1914-07-15)
Месца нараджэньня	Дніпро, Расейская імпэрыя
Дата сьмерці	9 сакавіка 2010(2010-03-09) (95 гадоў)
Месца сьмерці	ЗША
Месца вучобы	Віленскі ўнівэрсытэт Лювэнскі каталіцкі ўнівэрсытэт
Занятак	лекар

Вітаўт Рамук (15 ліпеня 1914, Екацерынаслаў, цяпер Дняпро — 9 сакавіка 2010, ЗША) — дзеяч беларускай дыяспары ў Чыкага.

Жыцьцяпіс

Нарадзіўся, калі сям’я была ў бежанстве на тэрыторыі сучаснай Ўкраіны. У 1922 годз разам з бацькоўскай сям’ёй вярнуўся ў в. Ліпнішкі каля Ліды. У 1926—1930 гг. вучыўся ў Віленскай беларускай гімназіі. Пасьля вучыўся ў польскай гімназіі ў Пінску.

У 1938 годзе паступіў у Віленскі ўнівэрсытэт на факультэт біялёгіі, пазьней перайшоў на мэдыцыну. Пасьля верасьня 1939 году ўнівэрсытэт не працаваў.

У 1941—1944 гг. працаваў перакладчыкам у цывільнай адміністрацыі ў Лідзе. У 1944 годзе выехаў у Чэхаславаччыну, адкуль у 1945 годзе Перабраўся ў Рэгэнсбург у Нямеччыне, дзе арганізоўваўся беларускі лягер.

У 1946 г. паступіў на мэдыцынскі факультэт унівэрсытэту ў Мюнхэне. У 1949—1953 гг. вучыўся на мэдыцынскім факультэце Лювэнскага ўнівэрсітэту (Бэльгія). Выехаў у Вялікабрытанію, жыў у Лёндане. Стаў сябрам Згуртаваньня беларусаў у Вялікабрытаніі і ў 1954 годзе быў абраны на пасаду намесьніка старшыні арганізацыі. Аднак хутка вярнуўся ў Бэльгію. Некаторы час ён працаваў у дзіцячым прытулку ў Брусэлі.

У 1956 годзе выехаў у ЗША, у штат Ілінойс. Некаторы час ён жыў у горадзе Пэорыя, а потым селіцца ў Чыкага. У 1958 г. ён ажаніўся зь Верай Жызьнеўскай. Разам з жонкай стаў актыўным удзельнікам беларускага жыцьця, сябрам Беларускага каардынацыйнага камітэту ў Чыкага.

Працаваў у Цэнтры пэдыятрыі, а затым у Дзіцячым цэнтры ў Чыкага. Выйшаў на пэнсію толькі ў 74 гады. Пахаваны на могілках Сьвятога Адальбэрта (Сьвятога Войцеха).

У Рамукоў нарадзіліся двое дзяцей. Сын Янка (John Romuk) пазьней зрабіў кар’еру ў кампаніі Hitachi, а дачка Ірэна стала пэдагогам.

Вонкавыя спасылкі

• Вітаўт Рамук на сайце Рада Беларускай Народнай Рэспублікі
• землякі Дракулы шануюць у Чыкага беларускі надпіс?(недаступная спасылка), Белсат, 2013.11.20