Брандэнбурская брама
Брандэнбурская брама (ням. Brandenburger Tor) — архітэктурны помнік у Бэрліне (Нямеччына).
Брандэнбурская брама зьяўляецца найбольш знакамітым сымбалем Бэрліна і Нямеччыны. Доўгія гады яна служыла сымбалем падзелу Нямеччыны і Бэрліна, а пасьля 1989 г. стала ўвасабленьнем ўзьяднаньня краіны.
Брадэнбурская брама — гэта адзіная гарадзкая брама Бэрліна, што захавалася, яе першапачатковая назва — Брама міру. Гэтую браму збудаваў Карл Готгард Лянганс ў 1789—1791 гг., яна была першай значнай працай, выкананай у стылі бэрлінскага клясыцызму. Узорам для Брадэнбурскай брамы паслужыў прапілен Акропаля ў Атэнах.