Вавёрка каўкаская

Вавёрка каўкаская
Клясыфікацыя
Царства	Жывёлы (Animalia)
Тып	Хордавыя (Chordata)
Кляса	Сысуны (Mammalia)
Інфракляса	Пляцэнтарныя (Placentalia)
Атрад	Грызуны (Rodentia)
Сямейства	Вавёркавыя (Sciuridae)
Род	Вавёрка (Sciurus)
Від	Вавёрка каўкаская
Бінамінальная намэнклятура
Sciurus anomalus Güldenstädt, 1785
Арэал
Арэал
[[wikispecies:Sciurus anomalus |Вавёрка каўкаская на Віківідах]]  Вавёрка каўкаская ў Вікісховішчы ITIS 632422 ·

Вавёрка каўкаская (Sciurus anomalus) — жывёла клясы сысуноў атрада грызуны (Rodentia) сямейства вавёркавых (Sciuridae).

Распаўсюджваньне

Сустракаецца на захадзе Азіі (Армэнія, Азэрбайджан, Грузія, Грэцыя [Лесбас], Іран, Ірак, Ізраіль, Ярданія, Ліван, Сырыя, Турэччына [у тым ліку эўрапейская]). Вышыня вагаецца ад узроўню мора да 2000 м. Гэты від пераважна жыве ў зьмешаных і лісьцяных лясах, хоць сустракаецца і ў іглічных лясах (напрыклад, на паўднёвым узбярэжжы Турэччыны), а таксама на скалістых агаленьнях.

Постаць

Даўжыня галавы і тулава складае ад 190 да 255 мм, хвост ад 120 да 180 мм, маса ад 330 да 430 грамаў. Круглы год на вушах няма пучкоў шэрсьці. Шэрсьць зьверху шэрая. Па баках праходзіць больш-менш выразная чырванаватая паласа. Шэрсьць на ніжняй баку цела сьветла-жоўта-карычневая. Пярэднія лапы доўгія і тонкія.

Лад жыцьця

Гэты дзённы від найбольш актыўны раніцай і позна ўвечары. Аддае перавагу шукаць прытулку ў кронах дрэў, радзей у расколінах скал. Гняздо будуе на вышыні ад 3 да 5 метраў над зямлёй у дупле дрэва. Сілкуецца від жалудамі, арэхамі, насеньнем іглічных дрэў, пупышкамі, ягадамі і грыбамі. Запасаецца.

Крыніцы

• Yigit, N., Kryštufek, B., Sozen, M., Bukhnikashvili, A. & Shenbrot, G. 2016. Sciurus anomalus. The IUCN  (анг.)
• Nakanishi, E. 2013. Sciurus anomalus. Animal Diversity Web  (анг.)