Postal 2

Postal 2
Дата выпуску	Windows: 14 красавіка, 2003
Апошняя вэрсія	5023
Жанр	Шутэр ад першай асобы
Сэрыя	Postal[d]
Стваральнікі
Распрацоўнік	Running with Scissors
Выдавец	Whiptail Interactive
Мова інтэрфэйсу	Ангельская
Прадусар	Vince Desi[d] Michael J. Riedel[d]
Дызайнэр	Michael J. Riedel[d]
Праграміст	Michael J. Riedel[d]
Тэхнічныя дэталі
Рухавік	Unreal Engine 2.5[d]
Плятформы	Microsoft Windows, macOS, Linux
Рэжым	аднакарыстальніцкая гульня[d]
Носьбіт	кампакт-дыск, DVD, лічбавы распаўсюд[d] і лічбавая загрузка[d]
Кіраваньне	геймпэд[d], клявіятура кампутара і кампутарная мыш
https://gopostal.com Афіцыйны сайт
Postal 2 у Вікісховішчы

Postal 2 — шутэр ад першай асобы, распрацаваны кампаніяй Running with Scissors у 2003 годзе. Зьяўляецца працягам гульні 1997 года і была выпушчаная для Microsoft Windows у красавіку 2003 года. Гульня атрымала дурную славу за высокі ўзровень гвалту, расавыя стэрэатыпы і чорны гумар. У адрозненьні ад гульні 1997 года падзеі Postal 2 адбываюцца цалкам ад першай асобы на аснове гульнявога рухавіка Unreal Engine 2.

Сюжэт

У Postal 2 гулец бярэ на сябе ролю рыжавалосага чалавека з бародкай, сонечнымі акулярамі, чорным скураным плашчом і футболкай, на якой прысутнічае твар шэрага прыхадня з космасу. Галоўны герой жыве са сваёй прыдзірлівай жонкай у паўразваленым дому-прычэпе ў маленькім мястэчку Парадайз, штат Арызона. Ўзроўні гульні падзеленыя на дні тыдня ад панядзелка да пятніцы.

У пачатку кожнага дня даюцца некалькі заданьняў для выкананьня: "купіць малако"," выспавядацца ў грахах " і іншыя звычайныя задачы. Мэта Postal 2 складаецца з таго, каб выканаць усе задачы на працягу тыдня. Гулец можа выканаць гэтыя задачы любым пажаданым яму спосабам. Магчыма выканаць большасьць заданьняў не ўступаючы ў бой, не прычыняючы шкоды й не забіваючы іншых персанажаў.

На працягу ўсёй гульні Postal Dude мусіць рэгулярна цярпець правакацыі прахожых: яму паказваюць палец, яго рабуюць, на яго нападаюць розныя групы пратэстоўцаў, перасьледуюць нязносны ўладальнік крамы - тэрарыст і ягоныя кліенты. Падчас гульні Postal Dude таксама сутыкаецца з маршам аркестру, цацачным талісманам "Кротчы", паліцыянтамі і агентамі спэцыяльных службаў, Нацыянальнай гвардыяй, рэлігійным культам, працаўнікамі мясной крамы-людаедамі, фанатычнымі тэрарыстамі "Аль-Каіды" і былым акторам Гэры Коўлманам.

У апошні дзень гульні надыходзіць апакаліпсіс. Кошкі пачынаюць падаць зь цёмнага неба, амаль усе ў горадзе робяцца цяжкаўзброенымі, а на вуліцах пачынаюцца выпадковыя стрэльбы. Нягледзячы на гэта, Postal Dude вяртаецца дадому, дзе ён як звычайна ўступае ў спрэчку са сваёй жонкай. Заканчваецца гульня тым, што раздаецца стрэл.

Гэймплэй

Гульнёвыя персанажы жывуць сваім жыцьцём цалкам асобна ад дзеяньняў галоўнага героя: займаюцца хаджэньнямі па гораду, купляюць і прадаюць прадукты і ўдзельнічаюць у выпадковых перастрэлках адзін з адным, альбо з паліцыяй.

У горадзе шмат аўтамабіляў, але імі нельга кіраваць, хоць іх можна падарваць і адправіць у паветра. У дадатак да катоў з сабакамі прысутнічаюць сланы, якія могуць быць застрэленыя ці падпаленыя. Асаблівасьцю зьяўляецца магчымасьць падбіраць котак у якасьці інвэнтарных прадметаў. Пры іхным выкарыстаньні Postal Dude запіхвае ствол зброі ў задні праход кошкі (кошкі могуць выкарыстоўвацца толькі з шотганам або штурмавой вінтоўкай ) у якасьці "глушыльніка". Пасьля дзевяці стрэлаў у кошкі заканчваюцца жыцьці й яна вылятае са зброі. Большасьць сабак маюць магчымасьць пасябраваць з галоўным героем, калі ён пакорміць іх любой ежай (піца, фаст-фуд). Як толькі сабачая адданасьць будзе заслужаная, сабака нападзе на любога, хто нападзе на нашага героя. Сабакі таксама могуць перасьледваць і забіваць котак, а таксама гуляць з прадметамі інвэнтара й адсечанымі галовамі. У гульню таксама павінны былі быць уключаныя каровы, але яны не трапілі ў фінальную вэрсію гульні.

У гульні таксама ёсьць камэя Гэры Коўлмана, які выступае ў ролі самога сябе. Ён зьяўляецца на раньняй стадыі ў якасьці мэты адной з задач гульні (У мясцовым гандлёвым цэнтры неабходна атрымаць аўтограф Гэры). Гулец можа выбраць бой і забіць Коўлмана ці проста мірна падпісаць кнігу (пасьля таго як вытрымае доўгую чаргу). Незалежна ад дзеяньняў героя, паліцыя штурмуе будынак у спробе арыштаваць Гэры Коўлмана і пачынаецца перастрэлка, якая нязьменна прыводзіць да відавочнай сьмерці Коўлмана. Пазьней у гульні яго таксама можна ўбачыць у паліцэйскім участку, калі гулец уцякае са сваёй камеры.

Водгукі

Рэклямная кампанія Postal 2 на E3 у 2003

Postal 2 атрымаў зьмешаныя або сярэднія водгукі. Крытыцы ў асноўным былі падвергнутыя састарэлая графіка, колькасьць крыві і ўзровень жорсткасьці на экране. Тым ня менш некаторыя крытыкі хвалілі гульню за пацешны гумар і іронію.

Фільм

Экранізацыя 2007 года пад назвай "Postal" нямецкага рэжысэра Увэ Бола запазычвае многія элемэнты з Postal 2: у фільме зьявіліся лялька "Кротчы", трэйлерны парк, глушыльнік для котак, крама Lucky Ganesh, тэрарысты й дзядзька Дэйв. Гэры Коўлман не ўдзельнічаў у гэтым фільме. Замест яго ў фільме прыняў удзел Верн Троер у ролі самога сябе, выканаўшы функцыю Гэры Коўлмана.

У 2013 годзе Бол анансаваў работу над новай часткай сэрыі. 28 жніўня 2013 Бол абвясьціў, што фінансуе вытворчасьць Postal 2 праз Kickstarter, але праект быў скасаваны ў кастрычніку 2013 года.