FN F2000

FN F2000
FN F2000
	;
Краіна паходжаньня	Бэльгія
Гісторыя выкарыстаньня
Пэрыяд выкарыстаньня	2001 - наш час
Войны	Вайна ў Аўганістане (з 2001 г.)
Гісторыя вытворчасьці
Дата стварэньня	2001
Вытворца	Fabrique Nationale de Herstal
Мадыфікацыі	F2000 Tactical, FN FS2000 (грамадзянскі варыянт)
Характарыстыкі
Вага	3,8 (без патронаў); 4 (Standard TR без патронаў); 4,6 (з 40мм гранатамётам); 3,6 (F2000 Tactical без патронаў)
Даўжыня	690
Даўжыня ствала	400
Патрон	5,56×45 мм НАТА
Калібр	5,56
Прынцып дзеяньня	адвод парахавых газаў, паваротная засаўка
Хуткастрэльнасьць	850
Пачатковая; хуткасьць кулі:	900
Прыцэльная; далёкасьць	500
Від боясілкаваньня	каробчатая крама на 30 патронаў (НАТА/STANAG)
Прыцэл	кампутарызаваны аптычны 1,6x; адкрыты (Tactical TR)

FN F2000 — бэльгійскі аўтамат, распрацаваны фірмаю Fabrique Nationale de Herstal. FN F2000 упершыню былў прадстаўлены ў 2001 годзе. Гэтая зброя прызначана для выкананьня баявых задачаў у сучасных лякальных ваенных канфліктах. Распрацаваны ў канцы 90-х гадоў, сэрыйна вырабляецца з 2001—2002 гадоў.

Сыстэма

Аўтаматыка F2000 дзейнічае за кошт адводу парахавых газаў, замыканьне ствала ажыцьцяўляецца завароткам засаўкі. Кампаноўка — буллпап. Дзякуючы запатэнтаванай схеме франтальнае экстракцыі стрэляных гільзаў (гільзы выпадаюць вонкі практычна ў дульнага зрэзу) вырашаецца асноўная праблема зброі падобнае кампаноўкі — немагчымасьць выкарыстаньня зброі стралком-леўшуном з-за трапленьня стрэляных гільзаў у твар. Пры гэтым зброя можа выкарыстоўвацца як ляўшунамі, так і праўшамі без пераробкаў у адрозненьне ад Steyr AUG ці FAMAS. Разьмяшчэньне двухбаковага засцерагальніка/перакладніка рэжымаў агню пад спускавою клямкаю таксама забясьпечвае «двубаковасьць» сыстэмы.

У якасьці матэрыялаў корпусу ўжываюцца палімэры, цаўё — пластыкавае, легкасьёмнае, на месца якога могуць усталёўвацца розныя дадатковыя модулі: лязэрны цэлепаказальнік, ліхтар, 40-мм гранатамёт, «несьмяротны» модуль М303, прызначаны для стральбы капсуламі, якія зьмяшчаюць фарбу ці сьлязісты газ. У пэрспэктыве па патрабаваньні замоўцы магчымая ўсталёўка іншых модуляў.

Стандартны прыцэл — аптычны кратнасьці 1.6Х з шырокім полем зроку. Ён можа быць хутка заменены на любы іншы прыцэл, які мае адпаведныя мацаваньні, напрыклад, адмысловы кампутарызаваны модуль кіраваньня агнём. Гэты модуль складаецца з лязэрнага далямэру й балістычнага вылічальніка, які выстаўляе прыцэльную марку прыцэла як для стральбы з самага аўтамата, так і з падствольнага гранатамёту (калі ён усталяваны), засноўваючыся на дадзеных пра далёкасьць да цэлі. З такім модулем F2000 можна разглядаць як таннейшы аналёг амэрыканскае сыстэмы OICW.^[2]

Варыянты

F2000 Tactical — аналягічны стандартнае мадэлі, аднак пазбаўлены аптычнага прыцэлу, замест якога ўсталявана дадатковая накіравальная тыпу Планка Пікатыні, а таксама адкрытыя прыцэльныя прыстасаваньні.
FS2000 — грамадзянская самазарадная мадыфікацыя, прадстаўленая ў чэрвені 2006 году. Абсталявана падоўжаным ствалом з полымягасільнікам і крокам нарэзаў 1:7. Мацаваньне для багнэту адсутнічае. Таксама як і вэрсія Tactical абсталёўваецца планкаю Пікатыні й адкрытым прыцэлам замест аптычнага.
- FS2000 Standard — адрозьніваецца ад FS2000 наяўнасьцю аптычнага прыцэла.

Краіны-эксплюатанты

Бэльгія: выкарыстоўваецца падразьдзяленнямі адмысловага прызначэньня арміі.
Чылі: падразьдзяленьні адмысловага прызначэньня арміі.^[3]
Харватыя: Харвацкае войска выпрабоўвала F2000 у 2006 годзе. На дадзены момант дадзены аўтамат складаецца на ўзбраеньні толькі батальёна адмысловых апэрацыяў (прыкладна 100 асобнікаў).
Індыя: выкарыстоўваецца «Адмысловым атрадам абароны» (па-ангельску: Special Protection Group).
Лібія : набыла некаторую колькасьць аўтаматаў у FN Herstal разам з рознымі сыстэмамі сьмяротнага ды несьмяротнага ўзьдзеяньня ў 2008 годзе, пастаўка была заплянавана на красавік 2009 году, аднак была замарожана з-за асьцярогаў датычна распаўсюду зброі ў «нестабільныя» краіны.
Пакістан: адмысловыя падразьдзяленьні.^[3]
Пэру : адмысловыя падразьдзяленьні.^[3]
Польшча: у абмежаваным выкарыстаньні падразьдзяленьнем GROM.
Саудаўская Арабія: з 2005 году 55 000 аўтаматаў выкарыстоўваецца нацыянальнаю ґвардыяю.
Славенія: У чэрвені 2006 году міністэрства абароны Славеніі падпісала кантракт на пастаўку 6 500 аўтаматаў F2000 з падствольным гранатамётам GL1 у якасьці новай стандартнай пяхотнай зброі войска,

Кампутарныя гульні

У Call of Duty Modern Warfare 2 дадзеная зброя выкарыстоўваюць расейскія байцы.
У Battlefield 2 дадзеная зброя выкарыстоўваецца брытанскімі SAS.
У Battlefield 3 дадзеная зброя выкарыстоўваецца баявікамі ССО
Гэтак жа прысутнічае ў сэрыі гульняў S.T.A.L.K.E.R..
У кампутарнай гульні Hitman: Blood Money.
У сэрыі кампутарных гульняў Splinter Cell.
У анлайн-шутары Point Blank.
У сэрыі кампутарных гульняў Battlefield: Bad Company.
У анлайн FPS-шутары Combat Arms.
У анлайн шутары A.V.A.
У анлайн шутары Cross Fire (шутар).
Таксама аўтамат згадваецца ў кнізе Андрэя Дзьякава "Сусьвет Мэтро 2033: Да сьвятла". Ім карыстаецца адзін з герояў.