Brutto

	Brutto
	; Выступ у Баранавічах, 10 лютага 2017
Інфармацыя
Гады	2014 — дасюль
Адкуль	Беларусь
Мова	беларуская, расейская, украінская, ангельская
Жанр(ы)	панк-рок, альтэрнатыўны рок, гардкор-панк, стрыт-панк, анарха-панк
Зьвязаныя праекты	Drezden
Удзельнікі	Сяргей Міхалок; Віталь Гуркоў; Дзяніс Стурчанка; Дзяніс Шураў; Сяргей Каралёў; Павал Трацяк; Дзяніс Мельнік; Пётар Ласеўскі
	brut.to

Brutto — беларускі панк-рок гурт, заснаваны ў 2014 годзе ў Менску. Пра стварэньне гурту стала вядома 1 верасьня 2014 году, адразу па распадзе калектыву «Ляпіс Трубяцкі»^[1]^[2]. З 2018 году гурт прыпыніў сваю дзейнасьць у сувязі з працаю над адначасовымі праектамі Сяргея Міхалка Ляпис-98 і Drezden.

Гісторыя[рэдагаваць | рэдагаваць крыніцу]

15 сакавіка 2015 году гурт Brutto зрабіў перавыданьне свайго дэбютнага альбому «Underdog». У новую вэрсію было дададзена 7 бонусных трэкаў, знаёмыя па рэпэртуары гурту «Ляпіс Трубяцкі»: «Воины света», «Железный», «Священный огонь», ангельскамоўная вэрсія гіта «Капитал», а таксама новыя песьні «Adиdas», «Гарри» і «Будзь смелым!».

1 верасьня 2015 году гурт прэзэнтаваў кліп на заглаўную песьню новага альбому «Родны край». Рэжысэрам кліпа стаў ўжо вядомы прыхільнікам гурту Андрэй Давыдоўскі, які зьняў раней кліп да песень «Гири» і «Олимпия».

14 верасьня 2015 году гурт Brutto выдаў свой другі студыйны альбом «Родны край». У альбоме прадстаўлена 12 трэкаў. Сяргей Міхалок заявіў, што ў новым альбоме больш глыбокія тэксты чым, тыя якія ён пісаў раней.

У 2016 годзе Сяргей Міхалок заявіў, што гурт хоча прадставіць Беларусь на «Эўрабачаньні-2018»^[3].

29 кастрычніка 2016 году гурт упершыню за два гады існаваньня выступіў у Беларусі (гэта быў і першы з 2010 году афіцыйны выступ у Беларусі Міхалка)^[4]. Канцэрт адбыўся ў Гомелі, усе 3000 квіткоў на яго былі раскупленыя^[5]. З 11 лютага 2017 году гурт праехаў па Беларусі з турам пад назваю Double Hot. Пад час турнэ былі дадзеныя канцэрты ў Баранавічах, Берасьці, Горадні, Бабруйску, Салігорску, Віцебску і Менску^[6].