Юрай Слафкоўскі
| Юрай Слафкоўскі | ||
|---|---|---|
| Рост | 192 см[1][2][3][…] | |
| Вага | 99 кг[2][3][4][…] | |
| Пазыцыя | левы нападнік, нападнік | |
| Кідок/Ловы | левы[d][2][3][4][…] | |
| Грамадзянства | ||
| Дата нараджэньня | 30 сакавіка 2004[1][2][3][…] (20 гадоў) | |
| Месца нараджэньня | ||
| Клюб | Манрэаль Канадыенз | |
| Выступаў за | ТПС Турку | |
| Драфт НХЛ | 1, 2022 Манрэаль Канадыенз | |
| Гульнявая кар’ера | 2021 — цяпер | |
Ю́рай Слафко́ўскі (па-славацку: Juraj Slafkovský; нар. 30 сакавіка 2004 году) — славацкі хакеіст, нападнік клюбу «Манрэаль Канадыенз» з Нацыянальнай хакейнай лігі і нацыянальнай зборнай Славаччыны.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Яшчэ юнаком зьехаў з Славаччыны, ды спаборнічаў у камандах Аўстрыі, Чэхіі і Фінляндыі. Менавіта ў скандынаўскай краіне дэбютаваў у прафэсійным хакеі, выступаючы ў складзе клюбу ТПС. У 2022 годзе быў задрафтаваны клюбам «Манрэаль Канадыенз» пад агульным першым нумарам, стаўшы першым у гісторыі славак, які быў задрафтаваны пад такім нумарам. Яшчэ раней на драфце 2000 году Марыян Габарык быз задрафтаваны толькі трэцім. Гулец, які звычайна ў зборнай гуляе пад нумарам 20, жадаў прыдбаць сабе такі ж нумар у клюбе, які аднак ужо быў заняты Крысам Ўайдманам. Тым ня менш, Ўайдман саступіў свой нумар маладому славаку ў абмен на швэдар з аўтографам маладога талента дзеля свайго сына[5]. У свой першы сэзон хакеіст згуляў толькі палову гульняў каманды, пераважна праз пашкоджаньні. Аднак, ужо ў сэзоне 2023—2024 гадоў адгуляў увесь рэгулярны сэзон у складзе дружыны. 10 красавіка 2024 году адзначыўся хет-трыкам у матчы супраць «Філадэлфіі Флаерз»[6].
Міжнародная[рэдагаваць | рэдагаваць крыніцу]
Прыцягваўся да матчаў зборнай розных узростаў. У веку 17 гадоў быў уключаны ў заяўку зборнай Славаччыны на Алімпійскія гульні 2022 году, у выніку чаго стаў наймаладзейшым хакеістам турніру. Славак у сямі матчах розыгрышу адзначыўся сямю закінутымі шайбамі, у тым ліку дублем у пачатковай гульні супраць зборнай Фінляндыі. У выніку здабыў бронзавы мэдаль у складзе дружыны, а таксама быў прызнаны самым каштоўным гульцом турніру[7].
Крыніцы[рэдагаваць | рэдагаваць крыніцу]
- ^ а б в г д е ё ж Olympedia (анг.) — 2006.
- ^ а б в г д е ё ж з і к л Eurohockey.com (анг.)
- ^ а б в г д е ё ж з і к л Elite Prospects (анг.) — 1999.
- ^ а б в г HockeyDB (анг.)
- ^ «Canadiens’ Wideman goes extra mile for top pick Slafkovsky». Montreal Gazette.
- ^ «Juraj Slafkovsky nets hat trick, Canadiens hand Flyers eighth straight loss in 9-3 blowout». ESPN.
- ^ «Slafkovsky voted MVP». International Ice Hockey Federation.