Эпіфара

Эпі́фара (па-старажытнагрэцку: ἐπιφορά— паўтарэньне) — паўтарэньне аднолькавых гукаў, словаў ці выразаў у канцы вершаваных радкоў або строфаў. Вось прыклад эпіфары з народнай песьні:

Цялушачак гадаваць будзем,

А бычочкі прадаваць будзем,

Дзевак замуж аддаваць будзем,

А хлопчыкаў жаніць будзем.

Стылістычная фігура, супрацьлеглая эпіфары, — анафара.

Віды эпіфары

• Радковая — аднолькавыя словы ці выразы паўтараюцца ў канцы радкоў.
• Строфная — асобныя словы ці выразы дакладна паўтараюцца ў канцы асобных строфаў.

Глядзіце таксама

• Анафара.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4