Шляхецкі сход (Слуцак)

Помнік грамадзянскай архітэктуры
Шляхецкі сход
Будынак былога шляхецкага сходу
Краіна	Беларусь
Места	Слуцак
Каардынаты	53°01′27.26″ пн. ш. 27°32′46.91″ у. д. / 53.0242389° пн. ш. 27.5463639° у. д. / 53.0242389; 27.5463639Каардынаты: 53°01′27.26″ пн. ш. 27°32′46.91″ у. д. / 53.0242389° пн. ш. 27.5463639° у. д. / 53.0242389; 27.5463639
Архітэктурны стыль	клясыцызм
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Шляхецкі сход на мапе Беларусі Шляхецкі сход
Шляхецкі сход на Вікісховішчы

Шляхецкі сход, дом Шталя — помнік архітэктуры канца XVIII — пачатку XIX ст. у Слуцку. Знаходзіцца на гістарычнай Шашэйнай вуліцы^[a]. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[рэдагаваць | рэдагаваць крыніцу]

Будаваўся ў канцы XVIII — пачатку XIX ст. з цэглы як сядзіба Шталяў. У будынку зьбіраўся шляхецкі сход Слуцкага павету.

У 1952 годзе ў будынку разьмясьціўся Слуцкі краязнаўчы музэй^[1].

Архітэктура[рэдагаваць | рэдагаваць крыніцу]

Помнік архітэктуры клясыцызму. Гэта 1-павярховы прастакутны ў пляне будынак на высокім цокалі, накрыты вальмавым дахам. Архітэктура экстэр’еру ляканічная, мае стрыманую дэкаратыўную распрацоўку. Архітэктурна-плястычным акцэнтам выступае 4-калённы портык, якім вылучаецца галоўны ўваход. Папарна пастаўленыя калёны падтрымліваюць драўляны трыкутны франтон і антаблемэнт. Галоўны фасад у бакавых частках дэкаруецца руставанымі лапаткамі. Сьцены праразаюцца вялікімі прастакутнымі вокнамі ў простых ліштвах. Пад будынкам знаходзяцца скляпеністыя сутарэньні.

Плян зьменены, прыстасаваны пад музэйную экспазыцыю^[2].