Шабі Прыета

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Шабі Прыета
Krasnodar-Real Sosiedad (6).jpg
Пэрсанальная інфармацыя
Нарадзіўся 29 жніўня 1983(1983-08-29)[1] (36 гадоў)
Сан-Сэбастыян, Краіна Баскаў, Гішпанія
Рост 185 см
Вага 77 кг
Пазыцыя паўабаронца
Клюбы
Гады Клюб Гульні (галы)¹
2001—2003
2003—2018
Рэал Сасьедад 2
Рэал Сасьедад
48 (8)
480 (68)

¹ Колькасьць гульняў і галоў за прафэсійны клюб лічыцца толькі
для нацыянальнай лігі.

Шабіер Прыета Аргаратэ (па-басконску: Xabier Prieto Argarate; нарадзіўся 29 жніўня 1983 году, Сан-Сэбастыян, Гішпанія) — былы гішпанскі футбаліст басконскага паходжаньня, правы паўабаронца й былы капітан клюбу «Рэал Сасьедад», за які правёў усю сваю кар’еру. Вылучаўся добрымі здольнасьцямі ў дрыблінгу, а таксама зьяўляўся штатным пэнальцістам каманды.

Кар’ера[рэдагаваць | рэдагаваць крыніцу]

Прыета дэбютаваў у Ля Лізе ў складзе роднага клюбу «Рэал Сасьедад» 8 кастрычніка 2003 году ў хатнім матчы супраць клюбу «Асасуна», у якім сан-сэбастыянцы былі мацнейшымі зь лікам 1:0. У тым жа сэзоне Шабі правёў яшчэ 7 гульняў, у кожнай зь якіх выходзіў на замену. На наступны сэзон 23 траўня, калі ўжо было вырашына, што «Рэал Сасьедад» сыйдзе зь Ля Лігі, Прыета двойчы забіў мадрыдзкаму «Рэалу», прычым адзін гол быў праведзены ім з пэнальці[2].

Пасьля Прыета стала заняў месца ў асноўным складзе клюбу, а ў сэзоне 2005—2006 гадоў удзельнічаў ва ўсіх 38 гульнях, забіўшы дзевяць разоў, шэсьць зь якіх правёў з пэнальці. У наступным сэзоне ён таксама не прапусьціў ніводнай гульны каманды, але баскі вылецелі ў Сэгунду.

6 студзеня 2013 году Прыета вырабіў свой першы хет-трык у прафэсійнай кар’еры, але ягоны клюб саступіў зь лікам 3:4 клюбу «Рэал» Мадрыд. Адзін з галоў быў рэалізаваным пэнальці, а два іншыя былі забіты пасьля выхаду адзін-на-адзін супраць Ікера Касыльяса[3][4].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]