Чыгозэ Ўдоджы

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Чыгозэ Ўдоджы
Чыгозэ Ўдоджы
Пэрсанальная інфармацыя
Нарадзіўся 16 ліпеня 1986 (32 гады)
Лагас, Нігерыя
Рост 172 см
Вага 67 кг
Пазыцыя паўабаронца
Клюбная інфармацыя
Клюб Ціндао Чжунэн
Нумар 15
Клюбы
Гады Клюб Гульні (галы)¹
2004—2006
2007—2009
2009—2011
2011
2012
2012—2013
2013
2013—2014
2014—2015
2016—
Віхрэн
ЦСКА Сафія
Астэрас
Астра
Брашаў
Плятаніяс
Атрамітас
Арыс
Дынама Менск
Ціндао Чжунэн
67 (16)
55 (10)
49 (5)
8 (0)
6 (0)
14 (4)
16 (3)
13 (5)
46 (17)
0 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
8 лістапада 2015.

Чыгозэ Ўдоджы (па-ангельску: Chigozie Udoji; нарадзіўся 16 ліпеня 1986 году, Лагас, Нігерыя) — нігерыйскі футбаліст, паўбаронца кітайскага клюбу «Ціндао Чжунэн», мае баўгарскі паспарт. Вядомы дзякуючы свайму дрыблінгу.

Кар’ера[рэдагаваць | рэдагаваць крыніцу]

У маладым узросьце трапіў у баўгарскі клюб «Віхрэн» з гораду Санданскі. Добрая гульня за гэты клюб прыцягнула ўвагу аднаго з баўгарскіх грандаў сафійскага ЦСКА, куды Ўдоджы перайшоў у 2007 годзе. Разам з ЦСКА стаў чэмпіёнам краіны. Усяго правёў у Баўгарыі пяць гадоў, прыняў грамадзянства гэтай краіны.

У 2009 годзе пераехаў у чэмпіянат Грэцыі. Два гады выступаў за клюб «Астэрас». Улетку 2011 году апынуўся ў чэмпіянаце Румыніі, але гэты этап у кар’еры стаў ня вельмі пасьпяховым. Улетку 2012 году вярнуўся ў Грэцыю.

У сакавіку 2014 году пасьля прагляду падпісаў кантракт зь менскім «Дынама»[1]. У складзе менскага клюбу адразу замацаваўся ў асноўным складзе, стаў выступаць на пазыцыі правага або цэнтральнага атакуючага паўабаронцы. У выніку стаў адным зь лідэраў «Дынама». Важныя мяч легіянэр правёў у Лізе Эўропы, чым дапамог клюбу ўпершыню ў гісторыі дасягнуць групавой стадыі турніру. Гэтак 17 ліпеня 2014 году паўабаронца забіў першы гол у браму фінскай «МюПы-47» (3:0) у матчы 2-га кваліфікацыйнага раўнду на стадыёне «Трактар». 7 жніўня гол ад Чыгозэ дапамог менчукам атрымаць перамогу ў Румыніі ў матчы 3-га кваліфікацыйнага раўнду супраць ЧФР (2:0). 28 жніўня дзякуючы дублю нігерыйца ў матчы ў адказ «Дынама» здолела перамагчы ў матчы супраць клюбу «Насьёнал» і выйсьці ў групавы раўнд другога паводле прэстыжнасьці эўракубку[2].

У лістападзе 2014 году падоўжыў кантракт з «Дынама»[3]. У сэзоне 2015 году, другім для сябе ў складзе беларускай каманды, стаў аўтарам першага голу клюбу ў новым чэмпіянаце, забіўшы мяч у браму гарадзенскага «Нёману» (1:1).

У лютым 2016 году падпісаў кантракт з кітайскім клюбам «Ціндао Чжунэн»[4].

Дасягненьні[рэдагаваць | рэдагаваць крыніцу]

ЦСКА Сафія:

Дынама Менск:

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Дынама Менск 2015 Вышэйшая ліга 18 10

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]