Царква Сьвятога Яна (Тарту)

царква
Царква Сьвятога Яна Jaani kirik

Краіна	Эстонія
Горад	Тарту
Каардынаты	58°22′57″ пн. ш. 26°43′11″ у. д.^HGЯO
Канфэсія	лютэранства
Тып будынка	царква
Архітэктурны стыль	цагляная готыка
Дата заснаваньня	XIV стагодзьдзе
Статус	архітэктурны помнік^[d]^[1]
Стан	дзейны
Сайт	Афіцыйны сайт
Царква Сьвятога Яна на мапе Эстоніі Царква Сьвятога Яна
Царква Сьвятога Яна на Вікісховішчы

Царква Сьвятога Яна (па-эстонску: Jaani kirik) — лютэранская царква ў Тарту, Эстонія. Адзін зь яскравых прыкладаў цаглянай готыкі ў Паўночнай Эўропе. У царкве захаваліся больш за 1 000 унікальных для эўрапейскага мастацтва тэракотавых фігураў.

Гісторыя

Археалягічныя раскопкі паказваюць, што на месцы царквы Сьвятога Яна існавала ў XII стагодзьдзі драўляная царква. Сучасная царква была заснаваная ў XIV стагодзьдзі і спачатку была каталіцкай. Будынак моцна пацярпеў падчас Лівонскай і Вялікай Паўночнай войнаў, пасьля чаго неаднаразова рэстаўраваўся і дабудоўваўся цягам XVIII—пачатку XX стагодзьдзяў. У хадзе Другой сусьветнай вайны царква згарэла падчас бамбаваньня Тарту 26 жніўня 1944 году. Рэстаўрацыю пачалі праводзіць толькі ў 1989 годзе і ўрачыста адкрылі адбудаваную царкву 29 чэрвеня 2005 году.