Фэлікс Гартман

From Вікіпэдыя
Jump to navigation Jump to search
Фэлікс Гартман
30 верасьня 1893(1893-09-30)6 ліпеня 1974(1974-07-06) (80 гадоў)
Фелікс Хартман.jpg

Фэлікс Гартман (па-нарвэску: Felix Hartmann; 30 верасьня 1893 — 6 ліпеня 1974) — нарвэскі афіцэр у СС падчас Другой сусьветнай вайны.

Жыцьцяпіс[edit | edit source]

Бацькі Гартмана былі немцамі, яго бацька быў генэральным консулам Нямеччыны ў Нарвэгіі[1]. Падчас Першай сусьветнай вайны Гартман ваяваў на Ўсходнім і Заходнім франтах, на нямецкім баку[2]. Атрымаў Жалезны крыж першае клясы[1].

Пасьля Першай сусьветнай вайны ўдзельнічаў у фармаваньні Нарвэскай фэдэрацыі вэтэранаў вайны. Гэта прывяло да стварэньня Міжнароднага задзіночаньня вэтэранаў, лідэрам якога пэўны пэрыяд быў Гартман[1].

Падчас Другой сусьветнай вайны ён дасягнуў званьня штурмбанфюрэра. Меў дачыненьне да вынішчэньня на Беларусі жыдоў і партызанаў[3].

Відкун Квісьлінг (у цывільнай вопратцы ў цэнтры), Фэлікс Гартман (першы справа).
Ліст у МЗС Нарвэгіі, дасланы Гартманам зь Менску

Гартман гэтаксама, верагодна, распрацаваў плян па адміністрацыі Нарвэгіі ў Беларусі.

Андрэй Катлярчук кажа пра Гартмана наступнае:

Гэта быў чалавек, які кіраваў усімі масавымі забойствамі, і рабіў Галакост у Беларусі, праводзіў антыпартызанскія акцыі. Гартман быў нарвэжцам, але ўжо ў І сусьветную вайну ён змагаўся на нямецкім баку, стаў афіцэрам нямецкага войска. Потым ён застаўся ў Нямеччыне. Быў у вэтэранскіх арганізацыях Баварыі, дзе менавіта і нараджалася ідэя нацызму, пануючай белай расы. Прапанова выйшла ад яго. Ён лістуецца з нарвэжцамі, з Гімлерам, і прапануе: а ці ня ўзяць нам пад свой кантроль Беларусь?

Пасьля вайны быў асуджаны падчас чысткі здраднікаў. Вёў бізнэс «Felix Hartmann A/S» да скону ў 1974 годзе.[2]

Глядзіце таксама[edit | edit source]

Крыніцы[edit | edit source]

  1. ^ а б в «Фэліксу Гартману 75 гадоў» (PDF). Людзі і зямля. 09/21/1968.
  2. ^ а б «Фэлікс Гартман» (PDF). Людзі і зямля. 06.04.1974.
  3. ^ Асбьерн Сварстад (26.09.2012). «У СС было некалькі нарвэскіх масавых забойцаў»

Вонкавыя спасылкі[edit | edit source]