Фрэдэрык Базыль

Жан Фрэдэрык Базыль
	Жан Фрэдэрык Базыль
	Фатаздымак мастака
Імя пры нараджэньні	Жан Фрэдэрык Базыль
Дата нараджэньня	6 сьнежня 1841
Месца нараджэньня	Манпэлье, Францыя
Дата сьмерці	28 лістапада 1870 (28 гадоў)
Месца сьмерці	Бон-ля-Ралянд, Францыя
Месца пахаваньня	Protestant cemetery in Montpellier[d];
Занятак	маляр
Жанры	партрэт, пэйзаж, жывапіс чалавека[d], натурморт[d] і жанравае малярства[d]
Плынь	імпрэсіянізм
Подпіс
	Жан Фрэдэрык Базыль у Вікісховішчы

Жан Фрэдэрык Базыль (па-француску: Jean Frédéric Bazille; 6 сьнежня 1841, Манпэлье, Францыя — 28 лістапада 1870, Бон-ля-Ралянд, Францыя) — францускі жывапісец, адзін з заснавальнікаў імпрэсіянізму.

Біяграфія

Фрэдэрык нарадзіўся 6 сьнежня 1841 году ў францускім горадзе Манпэлье ў дэпартамэнце Эро ў буржуазнай пратэстанцкай сям’і. Захапіўся жывапісам пад узьдзеяньнем карцінаў Эжэна Делякруа.

У 1859 годзе пачаў вывучаць мэдыцыну. У 1862 годзе пераехаў у Парыж, каб працягнуць навучаньне. Вучыўся ў майстэрні Шарля Глейра з 1862 па 1864 гады, дзе пазнаёміўся з Клёдам Манэ. У сталіцы сустрэў П’ера Агюста Рэнуара й сур’ёзна пачаў займацца выяўленчым мастацтвам. Быў блізка знаёмы з Полем Сэзанам, Арманам Гіёмэнам, Альфрэдам Сысьлеем, знаходзіўся ў сяброўскіх адносінах з Рэнуарам і Манэ.

Мастак быў забіты 28 лістапада 1870 году ў баі пад Бон-ля-Ралянд у ходзе франка-прускай вайны.