Фрытая

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Фрытая
SPARGLJI 3.jpg
ТыпАмлет
Нацыянальная страваХарватыя, Славенія
РэгіёнІстрыя
Асноўны складнікЯйка, гародніна, бэкон
Распаўсюджаныя складнікіДзікі шпараг, дзікі хмель, мята, цыкорыя, хлеб, грыбы

Фрытая (па-харвацку: fritaja) ці фрталья (па-славенску: frtalja) — міжземнаморская харвацкая і славенская страва, якая падобная на амлет. Страва шырока распаўсюджана ў Істрыі, на поўнач ад Трыесту і ў даліне Соча. Яна гатуецца асабліва ў вясновы час, бо менавіта ў гэты пэрыяд можна набыць шмат расьлінаў і гародніны, як то дзікі шпараг, дзікі хмель, травы, як фэнхель, мята, цыкорыя, памідоры, маладыя парасткі часныку і даступныя спэцыі. Усё вышэйзьлічанае дадаецца ў яечніцу. Таксама могуць быць дададзены дадатковыя інгрэдыенты, як то невялікія кавалачкі старога хлебу[1]. Гатуецца разам зь вяндлінай, грыбамі, сасіскамі, бэконам, белым або чырвоным віном. Колькасьць інгрэдыентаў дакладна ня вызначана.

Харвацкая і славенская назвы паходзяць ад вэнэцыянскага словы fritaia, што азначае «смажаны».

Крыніцы[рэдагаваць | рэдагаваць крыніцу]

  1. ^ Taste Slovenia. Bogataj Janez, 2007. Rokus Gifts. ISBN 978-961-6531-39-9

Вонкавыя спасылкі[рэдагаваць | рэдагаваць крыніцу]