Усходні Бэрлін

сьцяг Усходняга Бэрліну

Усходні Бэрлін — частка гораду Бэрліну, якая пасьля Другой сусьветнай вайны патрапіла ў савецкі сэктар акупацыі. У 1949 Усходні Бэрлін стаў сталіцай НДР і афіцыйна зваўся Бэрлін, сталіца НДР. На савецкіх мапах усходняя частка гораду называлася як Дэмакратычны Бэрлін у процівагу Заходняму Бэрліну. Заходнія Хаўрусьнікі ніколі не прызналі сувэрэнітэт Усходняй Нямеччыны ў горадзе і рэгулярна пратэставалі супраць знаходжаньня ў Бэрліне Нацыянальнай народнай арміі НДР.

Усходні (зялёны колер) і Заходні (шэры колер) Бэрлін. Надпісаны акругі Усходняга Бэрліну.

У склад Усходняга Бэрліну ўваходзіла 11 акругаў:

• Мітэ (Mitte)
• Прэнцляўэр Бэрг (Prenzlauer Berg)
• Фрыдрыхсгайн (Friedrichshain)
• Панкоў (Pankow)
• Вайсэнзээ (Weissensee)
• Гоэншэнгаўзэн (Hohenschönhausen) (з 1985)
• Ліхтэнбэрг (Lichtenberg)
• Марцан (Marzahn)
• Гэлерсдорф (Hellersdorf)
• Трэптаў (Treptow)
• Кёпэнік (Köpenick)

Цэнтрам сталіцы НДР быў пляц Аляксандарпляц (у прастамоўі «Alex»), галоўнай вуліцай — Унтэр-дэн-Ліндэн (па-нямецку: Unter den Linden). На захадзе гэтая вуліца ўпіралася ў Брандэнбургскую браму, за якой пачынаўся Заходні Бэрлін, які аб’ядноўваў тры пакінутыя паваенныя зоны акупацыі — амэрыканскую, брытанскую і францускую.

Глядзіце таксама

• Заходні Бэрлін
• Савецкая зона Нямеччыны
• Бэрлінскі мур

Вонкавыя спасылкі

• фатаграфіі з 1949 па 1973